អាហ្សង់ទីន៖ ​គោមួយក្បាលត្រូវបានគេថតជាប់នៅក្នុងវីដេអូមួយ ខណៈពេលវា​​កំពុងបោលចូលក្នុងទីលានបាល់ទាត់ និងដេញជល់​កីឡាករ​រួមទាំងអាជ្ញាកណ្តាល។

អ្នកទស្សនាម្នាក់ឈ្មោះ Isaac Damián Torres បានថតវីដេអូក្នុងពេលប្រកួតនៅទីក្រុង San Pedro de Jujuy ប្រទេសអាហ្សង់ទីន​។ នៅក្នុងវីដេអូបានបង្ហាញពីគោធំមួយក្បាលបោលទៅកណ្តាលទីលានបាល់ទាត់និងដេញជល់អាជ្ញាកណ្តាល និងអ្នកដែលកំពុងលេងនៅទីនោះ។

កីឡាបាល់ទាត់រួមទាំងអាជ្ញាកណ្តាលបានព្យាយាមរត់គេច ហើយខ្លះទៀតលោតចេញពីគោ ខណៈដែលបុរសម្នាក់ព្យាយាមជិះម៉ូតូដេញវាចេញពីទីនោះ។

យោងតាមកាសែតក្នុងស្រុក Cronica បានអោយដឹងថា គោឈ្មោលមួយក្បាលនេះបាន​បោលចូលទៅក្នុងទីលានបាល់ទាត់ បន្ទាប់ពីរួចចេញពីកន្លែងសត្តឃាតក្បែរនោះ។

​ក្នុងនោះដែរគេឃើញមាន​បុរសម្នាក់បានរងរបួស ហើយត្រូវបានបញ្ជូនទៅកាន់មន្ទីរពេទ្យ Guillermo Paterson ក្នុងតំបន់នោះផងដែរ៕

ទស្សនាវីដេអូខាងក្រោម៖

គោឈ្មោលកំពុងដេញជល់កីឡាករក្នុងទីលាន
គោឈ្មោលកំពុងដេញជល់កីឡាករក្នុងទីលាន
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]