ចិន៖ ប្រិយមិត្តអ្នកអានប្រាកដជាបានដឹងហើយថា Rolls-Royce គឺជាយីហោមួយក្នុងចំណោមម៉ាករថយន្ដល្បីៗ ដែលមានតម្លៃថ្លៃបំផុត។ ថ្មីៗនេះ រឿងដ៏ប្លែកមួយបានកើតឡើង អំពីម្ចាស់រថយន្ដម៉ាក Rolls-Royce បានរចនារថយន្ដរបស់ខ្លួន មានរូបចម្លាក់មាន់មាសមួយក្បាលនៅចំពីមុខ។

បុរសដែលជាម្ចាស់រថយន្ដនេះ រស់នៅឯទីក្រុងប៉េកាំង ប្រទេសចិន ហាក់ដូចជាមិនពេញជាមួយនឹងការតុបតែងរបស់រថយន្ដ ព្រោះមើលទៅសាមញ្ញ និងមិនបង្ហាញគ្រប់គ្រាន់ពីទ្រព្យសម្បត្តិដែលគាត់មាន។ ហេតុដូច្នេះហើយ គាត់ក៏បានស្នើសុំឲ្យជាងចម្លាក់ម្នាក់ ច្នៃរូបមាន់មាសសុទ្ធដ៏ធំមួយដែលមានទម្ងន់ចំនួន២៥គីឡូក្រាម និងមានតម្លៃប្រមាណ ៦សែនយ័ន (ប្រមាណ៨៥,៣១៧ដុល្លារអាមេរិក)។

ក្រោយពីរូបភាពនៃរថយន្ដនេះត្រូវបានបង្ហោះនៅលើបណ្ដាញសង្គម Weibo រួចមក មានមហាជនមួយចំនួនអស់សំណើច និងមានមួយចំនួនទៀតព្រួយបារម្ភពីសុវត្ថិភាពក្នុងការធ្វើដំណើរផងដែរ។ បើទោះជាយ៉ាងណាក្ដី រូបចម្លាក់មាន់មាសនេះ មិនទាន់បានដំឡើងជាប់នឹងរថយន្ដនៅឡើយទេ៕

តើប្រិយមិត្តអ្នកអានយល់ឃើញយ៉ាងណាដែរ? សូមទស្សនារូបភាពខាងក្រោម៖

រូបតំណាងរថយន្ដម៉ាក Rolls-Royce
រូបចម្លាក់មាន់មាសនៅលើរថយន្ដ
រូបចម្លាក់មាន់មាសនៅលើរថយន្ដ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]