បរទេស៖ កោះថ្មីមួយមានប្រវែងប្រហែល ៤០០ម៉ែត្រ និងទទឹង១០០ម៉ែត្រ ជាកំពូលភ្នំភ្លើងដែលបានផ្ទុះឡើងពីបាតសមុទ្រ។ វាបានកើតឡើងស្ថិតនៅជិតកោះ Lateiki (ឬ Metis Shoal) នៃប្រទេសតុងហ្គា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររម្លឹកផងដែរថា ភ្នំភ្លើងដដែលនេះធ្លាប់បានបង្កើតកោះមួយម្តងដែរកាលពីឆ្នាំ១៩៩៥ តែទីបំផុតវាត្រូវបានបំផ្លាញដោយការផ្ទុះនៅឆ្នាំ ២០១៩ ដែលទើបបង្កើតបានជាកោះថ្មីទៀតជំនួសកន្លែងចាស់កាលពីខែមុននេះ។
តុងហ្គាជាប្រទេសមួយស្ថិតនៅក្នុងរង្វង់នៃភ្នំភ្លើង និងជាតំបន់មួយនៅមហាសមុទ្រប៉ាស៊ីហ្វិកដែល ត្រូវគេដឹងថាប្រហែល ៩០ភាគរយជាទីតាំងនៃការរញ្ជួយដីដែលតែងកើតឡើងនៅលើពិភពលោក។
គេនៅចាំបានថាកាលពីខែធ្នូឆ្នាំ២០១៤ កោះមួយផ្សេងទៀតត្រូវបានបង្កើតឡើងនៅប្រទេសតុងហ្គាពេលដែលភ្នំភ្លើងក្រោមទឹកបានផ្ទុះឡើង។ ពេលនោះវាបានបញ្ចេញផេះ និងកំទេចកំណមានកំពស់ដល់ទៅ ៣០,០០០ហ្វីត ហើយបានស្ងប់ទៅវិញនៅខែ មករា ឆ្នាំ២០១៥ ៕
Bong I.T