បរទេស៖ កោះថ្មីមួយមានប្រវែងប្រហែល ៤០០ម៉ែត្រ និងទទឹង១០០ម៉ែត្រ​ ជាកំពូល​ភ្នំភ្លើងដែលបានផ្ទុះឡើងពីបាតសមុទ្រ។ វាបានកើតឡើងស្ថិតនៅជិត​កោះ Lateiki (ឬ Metis Shoal) នៃប្រទេសតុងហ្គា។

គួររម្លឹកផងដែរថា ភ្នំភ្លើងដដែលនេះធ្លាប់បានបង្កើតកោះមួយម្តងដែរកាលពីឆ្នាំ១៩៩៥ តែទីបំផុតវាត្រូវបានបំផ្លាញដោយការផ្ទុះនៅឆ្នាំ ២០១៩ ដែល​ទើបបង្កើតបានជាកោះថ្មីទៀតជំនួសកន្លែងចាស់កាលពីខែមុននេះ។

​តុងហ្គាជាប្រទេសមួយស្ថិតនៅ​ក្នុងរង្វង់នៃភ្នំភ្លើង និងជាតំបន់មួយនៅមហាសមុទ្រប៉ាស៊ីហ្វិកដែល ត្រូវគេដឹងថាប្រហែល ៩០ភាគរយជាទីតាំងនៃការរញ្ជួយដីដែលតែងកើតឡើងនៅលើពិភពលោក។

គេនៅចាំបានថាកាលពីខែធ្នូឆ្នាំ២០១៤ កោះមួយផ្សេងទៀតត្រូវបានបង្កើតឡើងនៅប្រទេសតុងហ្គាពេលដែលភ្នំភ្លើងក្រោមទឹកបានផ្ទុះឡើង។ ពេលនោះវាបានបញ្ចេញផេះ និងកំទេចកំណមានកំពស់ដល់ទៅ ៣០,០០០ហ្វីត ហើយបានស្ងប់ទៅវិញនៅខែ​ មករា​ ឆ្នាំ២០១៥ ៕

កោះថ្មីបានឃើញតាមរូបភាពផ្កាយរណប
កោះដែលកើតឡើងពីបន្ទុះភ្នំភ្លើងនៅប្រទេសតុងហ្គា
កោះដែលកើតឡើងពីបន្ទុះភ្នំភ្លើងនៅប្រទេសតុងហ្គា
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]