ប្រេស៊ីល៖ បើផ្អែកតាមក្រុមអ្នកស្រាវជ្រាវបានឲ្យដឹងថា ផ្សែងដែលកើតឡើងពីភ្លើងឆេះព្រៃ Amazon បានបណ្តាលឲ្យផ្ទាំងទឹកកករលាយ ហើយកម្ពស់ទឹកដែលអាចផ្គត់ផ្គង់ដល់សហគមន៍ក្នុងតំបន់អាចនឹងកើតឡើងនៅទ្វីបអាមេរិកខាងត្បូង។ ក្រុមអ្នកវិទ្យាសាស្ត្របានរកឃើញថារូបធាតុដែលមាននៅក្នុងផ្សែងនៃភ្លើងឆេះព្រៃមានឥទ្ធិពលទៅលើការរលាយទឹកកកនៅជួរភ្នំ Andes នៃទ្វីបអាមេរិកខាងត្បូង ហើយពួកគេបានបន្ថែមទៀតថាឥទ្ធិពលនេះអាចនឹងរីករាលដាលពេញទ្វីបអាមេរិកខាងត្បូងតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកបណ្ឌិត Newton de Magalhães Neto មកពីសាកលវិទ្យាល័យ Rio de Janeiro នៃប្រទេសប្រេស៊ីលបានមានប្រសាសន៍ថា ការកាប់បំផ្លាញព្រៃ និងភ្លើងឆេះព្រៃគឺតែងកើតមានជារឿយៗនៅប្រទេសបូលីវី ប៉េរូ និងប្រេស៊ីល ហើយបានធ្វើឲ្យរលាយផ្ទាំងទឹកកកនៅតំបន់ជួរភ្នំ Andes បង្កើតបានជាកម្ពស់ទឹកដែលអាចឲ្យប្រជាជនក្នុងតំបន់ប្រើប្រាស់ ប៉ុន្តែគុណវិបត្តិក៏អាចកើតមានដូចគ្នា។
មានសំនួរចោទសួរថា ហេតុអ្វីបានជាភ្លើងឆេះព្រៃទឹកភ្លៀងអាចជះឥទ្ធិពលដល់ជួរភ្នំ Andes ដែលមានចម្ងាយរាប់រយគីឡូម៉ែត្រពីព្រៃ Amazon? ចម្លើយនោះគឺផ្សែងឆេះព្រៃ Amazon ពិតជាអាចមកដល់ជួរភ្នំ Andes និងអាចប៉ះពាល់ដល់ការរលាយទឹកកកទៀតផង។ លោកបណ្ឌិតបានបន្តទៀតថាផ្សែងទាំងនោះបានបំផ្លាញស្រទាប់បរិយាកាស និងស្រូបយកកម្ដៅពីអាទិត្យកាន់តែច្រើន ហើយវាជាហេតុនាំឲ្យមានការកើនកម្ដៅ និងធ្វើឲ្យផ្ទាំងទឹកកករលាយ៕
Bong I.T