បុរសម្នាក់យកស្ទីកឃ័រ AirPods ទៅបិទនៅទីសាធារណៈ ឯលទ្ធផលគួរឲ្យអស់សំណើច (មានវីដេអូ)

បរទេស៖ គណនី Twitter មួយដែលមានឈ្មោះថា Pablo Rochat បានបង្កើតវីដេអូជាលក្ខណៈបោកបញ្ឆោត ឬពញ្ញាក់អារម្មណ៍ (Prank) ហើយទទួលបានការចាប់អារម្មណ៍យ៉ាងខ្លាំងពីសំណាក់អ្នកលេងបណ្ដាញសង្គមទាំងក្នុងស្រុកនិងក្រៅស្រុក។

កាលពីសប្ដាហ៍មុនគាត់បានបង្កើតវីដេអូ Prank ដោយយកស្ទីកឃ័ររូប AirPods ទៅបិទនៅទីប្រជុំជន ចំណែកលទ្ធផលវិញពិតជាគួរឲ្យអស់សំណើច ព្រោះអ្នកដំណើរមួយចំនួនភាន់ច្រឡំ និងគិតថាវាជា AirPods ពិតប្រាកដ ប៉ុន្តែវាគ្រាន់តែជារូបបោកបញ្ឆោតតែប៉ុណ្ណោះ។

យើងដឹងហើយថាកាសឥតខ្សែរបស់ក្រុមហ៊ុន Apple មួយនេះពិតជាទទួលបានការគាំទ្រខ្លាំងមែនទែនពីសំណាក់អតិថិជនជុំវិញពិភពលោក។ ការបាត់និងជ្រុះ AirPods នៅទីសាធារណៈគឺជារឿងមួយមិនអាចចៀសផុត ដូចនេះមានមនុស្សមួយចំនួនច្បាស់ជានឹងរើសវាឡើងជាមិនខាន ប៉ុន្តែបើសិនវាជាការ Prank វិញ អ្នកនឹងហួសចិត្តនិងអស់សំណើចជាក់ជាមិនខាន។ បើចង់ដឹងថាវីដេអូ Prank មួយនេះគួរឲ្យអស់សំណើចយ៉ាងណា សូមទស្សនាទាំងអស់គ្នា៕