អាល់បានី៖ បើតាមការចុះផ្សាយរបស់សារព័ត៌មាន CNN នៅថ្ងៃនេះបានឲ្យដឹងថាយ៉ាងហោចណាស់មានមនុស្ស៦នាក់បានស្លាប់និង៣២៥នាក់ផ្សេងទៀតបានរងរបួសក្នុងគ្រោះមហន្តរាយរញ្ជួយដីដែលមានកម្រិត ៦.៤រ៉ិចទ័រនៅក្នុងប្រទេសអាល់បានី។

តំបន់ដែលកើតមានគ្រោះរញ្ជួយដី
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភូគព្ភសាស្ត្ររបស់សហរដ្ឋអាមេរិកបាននិយាយថា ការរញ្ជួយដីមួយនេះបានកើតឡើងក្នុងជម្រៅដី ២០គីឡូម៉ែត្រ កាលពីព្រឹកថ្ងៃអង្គារម៉ោងនៅក្នុងស្រុក។​ ចំណុចកណ្តាលនៃការរញ្ជួយដីគឺស្ថិតនៅក្នុងក្រុងកំពង់ផែ Durres ដែលមានចម្ងាយប្រហែល៣៦គីឡូម៉ែត្រពីរដ្ឋធានី Tirana។ វីដេអូប្រព័ន្ធផ្សព្វផ្សាយនៃបណ្ដាញសង្គមក្នុងតំបន់នោះបង្ហាញពីអគារជាច្រើនបានដួលរលំ។

ប្រភពវីដេអូ: CNN

ប៉ូលីសបានប្រាប់ភ្នាក់ងារ CNN ថាគ្រោះរញ្ជួយដីនេះបានឆក់យកជីវិតមនុស្សចំនួន៦នាក់បន្ទាប់ពីវាបានរង្គើកក្រើកទីក្រុង Tirana។ រដ្ឋមន្ត្រីសុខាភិបាលលោក Ogerta Manastirliu បានប្រាប់ឲ្យដឹងថាមនុស្សយ៉ាងហោចណាស់ ៣២៥នាក់បានរងរបួសដោយសារគ្រោះរញ្ជួយដីកាលពីព្រឹកមិញនេះ។ សាលារៀនជាច្រើនបានបិទជាបន្ទាន់នៅក្នុងទីក្រុងចំនួន៣​ដូចជា Durres, Lezhe និង Tirana។ នេះគ្រាន់តែជាព័ត៌មានបឋមតែប៉ុណ្ណោះ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]