រាជធានីភ្នំពេញ ៖ បុរសម្នាក់ដែលគេស្គាល់ថាជាកីឡាករបាល់ទាត់សង្ស័យបើករថយន្តក្នុងស្ថានភាពស្រវឹងជោកក្នុងល្បឿនលឿនក៏ឡើងខឿនសួនច្បាររួចជ្រុលទៅបុកបង្គោលភ្លើងនៅមុខមជ្ឈមណ្ឌលវប្បធម៌កូរ៉េ បណ្តាលអោយបាក់រលំអស់មួយដើមរងការខូចខាត ចំណែករថយន្តបានរងការខូចខាតផ្នែកខាងមុខ តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ខាងលើនេះបានកើតឡើងកាលពីវេលាម៉ោង២ឈានចូលថ្ងៃទី២៥ ខែវិច្ឆិកា នៅចំណុចទល់មុខមជ្ឈមណ្ឌលវប្បធម៌កូរ៉េ តាមបណ្តោយផ្លូវព្រះសីហនុ ស្ថិតក្នុងសង្កាត់ទន្លេបាសាក់ ខណ្ឌចំការមន ។
រថយន្តមួយគ្រឿងខាងលើម៉ាកព្រូស ពណ៌ស ពាក់ស្លាកលេខ ភ្នំពេញ ២BA-៤៧៥៩ បើកបរដោយបុរសម្នាក់មិនស្គាល់អត្តសញ្ញាណ តែត្រូវបានគេស្គាល់ថាជាកីឡាករបាល់ទាត់នៅក្លឹបក្រសួងការពារជាតិ។
តាមប្រភពព័ត៌មានពីអ្នករត់ម៉ូតូកង់បីម្នាក់ដែលឃើញហេតុការណ៍ផ្ទាល់បានប្រាប់អោយដឹងថា មុនកើតហេតុ គេរថយន្ដបង្កខាងលើធ្វើដំណើរតាមបណ្តោយមហាវិថីព្រះសីហនុ ក្នុងទិសដៅពីលិចទៅកើតក្នុងល្បឿន លុះមកដល់ចំណុចផ្លូវបំបែកជា៤កែងនឹងផ្លូវព្រះសុធារស រថយន្តបង្កមិនបន្ថយល្បឿននោះទេ នៅតែបន្តដំណើរទៅមុខក្នុងល្បឿនយ៉ាងលឿន ។
តាមប្រភពដដែលបានបន្តថា ពេលនោះរថយន្តក៏ជ្រុលហួសទៅឡើងលើខឿនសួនច្បារ បុកបង្គោលភ្លើងបាក់អស់មួយដើមដែលនៅទល់មុខនឹងមជ្ឈមណ្ឌលវប្បធម៌កូរ៉េ បណ្ដាលឲ្យរងការខូចខាត ចំណែករថយន្តបង្កបានរងខូចខាតមួយកំណាត់មុខផ្នែកខាងឆ្វេងយ៉ាងដំណំ ចំណែកអ្នកបើកបរមិនបានរងរបួសទេ។
ក្រោយពេលកើតហេតុ អ្នកបើកបររថយន្ដបានរត់គេចខ្លួនបាត់ស្រមោល ចំណែករថយន្តបង្កត្រូវបានខាងមជ្ឈមណ្ឌលប្រគល់ទៅអោយសមត្ថកិច្ចជំនាញចរាចរណ៍ក្រុងធ្វើការវាស់វែងយកទៅរក្សាទុកបណ្តោះអាសន្ននៅស្នងការដ្ធាននគបាលចរាចណ៏ផ្លូវគោករាជធានីភ្នំពេញ រង់ចាំម្ចាស់ចូលខ្លួនមកដោះស្រាយសងការខូចខាតបង្គោលភ្លើងសួនច្បាររបស់មជ្ឈមណ្ឌលនៅពេលក្រោយ ៕
ប្រភព៖ កោះសន្តិភាព