ភ្នំពេញ៖ មន្ត្រីជំនាញកំពូលៗក្នុងសេវាហិរញ្ញវត្ថុ មកពីទូទាំងប្រទេសក្នុងសហគមន៍អាស៊ាន នឹងមកជួបជុំគ្នានៅរាជធានីភ្នំពេញ ដើម្បីចូលរួមក្នុងសន្និសីទប្រចាំតំបន់ដ៏សំខាន់មួយ ដែលផ្តោតទៅលើកំណែទម្រង់ប្រព័ន្ធឌីជីថលក្នុងវិស័យធនាគារ និងសេវាហិរញ្ញវត្ថុនៅតំបន់អាស៊ីអាគ្នេយ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោមទស្សនទាន «ការផ្សារភ្ជាប់អាស៊ានឆ្នាំ២០២៥-ពិភពលោកដ៏ក្លែវក្លាថ្មីមួយនៃនវានុវត្តភាព ប្រព័ន្ធឌីជីថលសម្រាប់វិស័យធនាគារអាស៊ានតែមួយ (ASEAN Connectivity 2025 - a brave new world of digital innovation for one ASEAN banking sector)» នេះគឺជាសន្និសីទធនាគារអាស៊ានលើកទី២២ ហើយនឹងត្រូវសហការរៀបចំឡើងដោយសមាគមធនាគារកម្ពុជា (ABC) និងសមាគមធនាគារិកអាស៊ាន (ABA)។
គណៈអធិបតីជាន់ខ្ពស់នៅក្នុងសន្និសីទដ៏សំខាន់មួយនេះរួមមាន ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា និងឯកឧត្តម Dato Lim Kok Hoi អគ្គរដ្ឋលេខាធិការសហគមន៍អាស៊ាន។
ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា បានសរសេរសារស្វាគមន៍ដល់ប្រតិភូក្នុងសន្និសីទទាំងមូលថា៖
ប្រសាសន៍សំខាន់ៗក្នុងពេលបើកសន្និសីទនេះ លោកបណ្ឌិត អ៊ិន ចាន់នី ប្រធានសមាគមធនាគារកម្ពុជា បញ្ជាក់ថា កិច្ចសហប្រតិបត្តិការក្នុងតំបន់អាស៊ាន មានន័យថា រាល់ភាគីពាក់ព័ន្ធទាំងអស់ អាចសិក្សារៀនសូត្រពីគ្នាទៅវិញទៅមក អនុវត្តតាមគ្នាទៅវិញទៅមក និងប្រកួតប្រជែងដោយស្មើភាពគ្នា ដើម្បីជួយជំរុញដល់ការអភិវឌ្ឍសេដ្ឋកិច្ច និងសង្គម។
លោកបណ្ឌិត អ៊ិន ចាន់នី មានប្រសាសន៍ថា៖
លោកបានបន្ថែមទៀតថា៖
ប្រតិភូជាន់ខ្ពស់ជាច្រើនផ្សេងទៀត ត្រូវបានរំពឹងទុកថា នឹងផ្តល់អនុសាសន៍របស់ខ្លួនលើប្រធានបទដូចគ្នានេះ អំឡុងពេលកិច្ចពិភាក្សាជាក្រុម ទៅលើប្រព័ន្ធឌីជីថល និងបច្ចេកវិទ្យាហិរញ្ញវត្ថុ (Fintech) សន្តិសុខលើការលួចចម្លងទិន្នន័យ (cybersecurity) និងបញ្ជីកំណត់ត្រាប្លុក (Blockchain) និងកំណែទម្រង់ប្រព័ន្ធឌីជីថលក្នុងវិស័យធនាគារ និងសេវាហិរញ្ញវត្ថុ។
ប្រតិភូចំនួន ៥០០នាក់ ត្រូវបានរំពឹងទុកថា នឹងចូលរួមក្នុងសន្និសីទរយៈពេល១ថ្ងៃពេញនេះ នៅឯសណ្ឋាគារសុខា ស្ថិតនៅរាជធានីភ្នំពេញ រួមជាមួយនឹងមន្ត្រីតំណាងជាច្រើនមកពីប្រទេសទាំង១០ក្នុងតំបន់អាស៊ាន និងភ្ញៀវកិត្តិយសជាច្រើនផ្សេងទៀតទូទាំងតំបន់។
ថ្ងៃទី២នៃសន្និសីទដ៏សំខាន់នេះ ដែលត្រូវបានគាំទ្រដោយម្ចាស់ឧបត្ថមជាច្រើន ក្នុងនោះរាប់បញ្ចូលទាំងធនាគារអេស៊ីលីដា ក្នុងនាមជាដៃគូយុទ្ធសាស្ត្រ និងធនាគារ ស៊ីអាយអិមប៊ី (CIMB) ធនាគារកាណាឌីយ៉ា និងធនាគារភ្នំពេញ ពាណិជ្ជ ក្នុងនាមជាដៃគូចម្បង គឺជាកិច្ចប្រជុំក្រុមប្រឹក្សាធនាគារអាស៊ានលើកទី៤៩ ហើយនិងត្រូវរៀបចំឡើងសម្រាប់សមាជិករបស់សមាគមធនាគារិកអាស៊ាន ប៉ុណ្ណោះ។
សន្និសីទនេះ បានចាប់ផ្តើមជាមួយនឹងការស្វាគមន៍ដោយការរៀបចំពិធីជប់លៀងសំណេះសំណាលគ្នាមួយ កាលពីថ្ងៃអាទិត្យ ហើយក៏នឹងមានការប្រកួតកីឡាវាយកូនគោល និងដំណើរទស្សនកិច្ចក្នុងទីក្រុង ក្នុងនោះរាប់បញ្ចូលទាំងដំណើរទស្សនកិច្ចទៅកាន់មជ្ឈមណ្ឌលបណ្តុះបណ្តាលជំនាញវិជ្ជាជីវៈតម្បាញសូត្រ ក្នុងខេត្តតាកែវ សម្រាប់ប្រតិភូ និងដៃគូផងដែរ ដើម្បីណែនាំឲ្យពួកគេស្គាល់ពីភាពទំនើប និងភាពរស់រវើកនៃរាជធានីភ្នំពេញ និងព្រះរាជាណាចក្រកម្ពុជាទាំងមូល។
នេះគឺជាលើកទី១ហើយដែលកម្ពុជា បានធ្វើជាម្ចាស់ផ្ទះរៀបចំសន្និសីទធនាគារអាស៊ាននេះ ដែលតម្រូវឲ្យរាល់ប្រទេសជាសមាជិកសហគមន៍អាស៊ានទាំងអស់ ត្រូវដាក់វេនគ្នាធ្វើជាម្ចាស់ផ្ទះ រៀងរាល់រយៈពេល២ឆ្នាំម្តង៕