ជប៉ុន៖ លោកយាយអាយុ៧១ឆ្នាំម្នាក់ត្រូវបានជាប់ចោទពីបទធ្វើមនុស្សឃាតដោយគិតទុកជាមុនទៅលើប្ដីនិងឪពុកម្ដាយក្មេករបស់គាត់ ដោយសារតែលោកយាយមានជំងឺតប់ប្រមល់នឹងមើលថែទាំពួកគេ (ជនរងគ្រោះទាំងបី)។

លោកយាយ ម៉ាសាកុ គីស៊ីម៉ូតុ ត្រូវបានចាប់ខ្លួនកាលពីថ្ងៃអាទិត្យមុនដោយសារបានចាក់សម្លាប់លោកតា តាគីអុ ​អាយុ៧០ឆ្នាំត្រូវជាប្ដីដែលកំពុងសម្រាន្ត និងបានសម្លាប់ឪពុកម្ដាយក្មេក (លោកតា យុស៊ីអុ អាយុ៩៣ឆ្នាំ និងលោកយាយស៊ីណុបឹ អាយុ៩៥ឆ្នាំ) ដោយធ្វើការច្របាច់ក។ លោកយាយម៉ាសាកុបានសារភាពថារូបគាត់ពិតជាបានប្រព្រឹត្តអំពើឃាតកម្មនេះមែន​ ក៏ព្រោះតែប្ដីរបស់គាត់មានការពិបាកធ្វើដំណើរដោយសារជំងឺដាច់សរសៃឈាមខួរក្បាល និងឪពុកម្ដាយក្មេកដែលមានវ័យជរាមិនអាចធ្វើអ្វីបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប៉ូលីសកំពុងយាមកាមកន្លែងកើតហេតុ

បន្ទាប់ពីកើតហេតុ កូនស្រីអាយុ៤០ឆ្នាំរបស់ឃាតករបានធ្វើការទាក់ទងទៅកាន់ប៉ូលិសឲ្យមកកាន់កន្លែងកើតហេតុដែលស្ថិតនៅក្នុងទីក្រុងស៊ឹរឹហ្គា។ ចំណែកលោកយាយដែលជាឃាតករបានលេបថ្នាំងងុយដេកអស់ជាច្រើនគ្រាប់ក្នុងគោលបំណងធ្វើអត្តឃាត ប៉ុន្តែត្រូវបានគេបញ្ជូនទៅមន្ទីពេទ្យទាន់ពេលវេលា។ លោកយាយអាយុ៧២ឆ្នាំម្នាក់ដែលត្រូវជាអ្នកជិតខាងរបស់ឃាតករបានប្រាប់ឲ្យដឹងថាកាលពីដើមឆ្នាំលោកយាយម៉ាសាកុបានមកជួបគាត់ និងបានត្អូញត្អែរពីភាពនឿយហត់ និងមួយរយៈចុងក្រោយគាត់មានសុខភាពមិនសូវល្អដែរ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]