អវកាស៖ ទីភ្នាក់ងារអវកាសអង្គការ NASA ទើបបានបញ្ជាក់ថាព្រះចន្ទមួយក្នុងចំណោមព្រះចន្ទទាំង៧៩របស់ភពព្រហស្បត្តិ៍មានចំហាយទឹកចេញពីផ្ទៃរបស់វា និងអាចជាទឹកចេញពីមហាសមុទ្រ ដែលវាអាចផ្ដល់ភ័ស្តុតាងដល់ក្រុមអ្នកវិទ្យាសាស្ត្រថាព្រះចន្ទនេះប្រហែលជាអាចទ្រទ្រង់ជីវិតបាន។ ក្រុមការងារស្រាវជ្រាវមួយរបស់ NASA ដែលដឹកនាំដោយ Goddard Space Flight Center អាចរកឃើញចំហាយទឹកតិចតួចចេញពីភពមួយដោយប្រើប្រាស់តេឡេស្កុបនៅកោះហាវ៉ៃបានរយៈចម្ងាយ ៦២៨ ២៨៧ ៨៩៧.៦គីឡូម៉ែត្រ។ ក្រុមនេះបានរកឃើញចំហាយទឹកចេញពីព្រះចន្ទមួយរបស់ភពព្រហស្បត្តិ៍ដែលមានឈ្មោះថា Europa ហើយបរិមាណទឹកដែលភាយចេញមកគឺអាចបញ្ចូលទៅក្នុងអាងហាលទឹកកីឡាអូឡាំពិកមួយឲ្យពេញបានក្នុងរយៈពេលតែប៉ុន្មាននាទីតែប៉ុណ្ណោះ។ ផ្ទៃរបស់ព្រះចន្ទ Europa គឺសុទ្ធតែជាទឹកកក ប៉ុន្តែទឹកដែលភាយចេញមកអាចជាទឹករបស់មហាសមុទ្រ ឬក៏ទឹកដែលបានរលាយពីទឹកកក។ នៅក្នុងសន្និសីទសារព័ត៌មានរបស់ NASA លោក Lorenz Roth ដែលជាតារាវិទូនិងជារូបវិទូមួយរូបបានលើកឡើងថាការកំណត់អត្តសញ្ញាណនៃទឹកជាលើកដំបូងនៅលើព្រះចន្ទ Europa ពិតជាសំខាន់ណាស់នៃការអង្កេតពពួកអាតូម និងដើម្បីកំណត់ក្រាបល្បោះនៃចំហាយទឹកនៅលើព្រះចន្ទមួយនេះ៕
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សNASA បានរកឃើញចំហាយទឹកចេញពីព្រះចន្ទមួយរបស់ភពព្រហស្បត្តិ៍
បច្ចេកវិទ្យា
២០-វិច្ឆិកា-២០១៩ ១ល្ងាច · ៤ ឆ្នាំមុន