រថយន្ត CRV ឆ្នាំ ២០២០ របស់​ក្រុមហ៊ុន Honda បានបង្ហាញនូវរូបរាងថ្មីស្រឡាងគួរ​ឲ្យទាក់ទាញ ជាមួយនឹង​កម្លាំងម៉ាស៊ីនខ្ពស់ជាងមុន និងមុខងារ​សម្រួល​ទៅ​ដល់​ការ​បើកបរ​ថ្មី។

ជាមួយ​នឹង​ម៉ាស៊ីនធើបូបួនចំណុះប្រេងម៉ាស៊ីន ១ លីត្រ​កន្លះ រថយន្ត​នេះ​មាន​កម្លាំង ១៩០ សេះ និងកម្លាំង​រង្វិល ១៧៩ ផោន-ហ្វីត ដែល​ផ្តល់​ឲ្យវា​នូវ​ថាមពល​ខ្ពស់ជាងមុន (៦ hp) និងស៊ីសាំងតិចជាងមុន ធៀប​នឹងម៉ូដែលមុន។ វា​ក៏មាន​ប្រើប្រាស់​បច្ចេកវិទ្យា Honda Sensing ដែល​អាច​ឲ្យ​រថយន្ត​មាន​ស្វ័យប្រវត្តិកម្ម​ក្នុង​ការ​ស្កែន​គេច​ពី​អ្នកដំណើរ​តាម​ដងផ្លូវ និងជំនួយ​ទៅ​ដល់​ការ​បើកបរ​នៅ​លើ​ផ្លូវលំបាក។

ផ្នែក​ខាង​ក្នុង​ ត្រូវ​បាន​រចនា​ឡើង​ជាមួយ​នឹង​រចនាបថបែប​ក្លាស៊ិក ជាមួយ​នឹង​ស្បែក និងពណ៌ខ្មៅ។ នៅ​ក្បែរដៃសង្កត់​មាន​អេក្រង់ Touchscreen ទំហំ ៧ អ៊ីញ ដែល​មាន​ភ្ជាប់​មក​ជាមួយ​នឹងកម្មវិធី Apple CarPlay and Android Auto ព្រមទាំងប្រព័ន្ធមើលចរាចរណ៍ វិទ្យុ HD និង​ប្រព័ន្ធបញ្ឆេះឆ្លាតវៃ​ដែឡ​មិនចាំ​ប្រើប្រាស់​កូនសោ។ វា​ក៏​មាន​បន្ថែម​នូវឆ្នាំងសាក​ទូរស័ព្ទ​មិ​ន​ប្រើ​ខ្សែរផងដែរ។

ចំពោះតម្លៃវិញ គេ​រំពឹង​ថា​នឹង​ត្រូវ​បាន​ប្រកាសនៅដើមឆ្នាំ ២០២០ មុន​ពេលចេញ​លក់​បន្តិច ប៉ុន្តែ​គេ​បាន​ព្យាករណ៍ថា វា​អាច​មានតម្លៃប្រមាណ ៣៤,០០០ ដុល្លារ​អាមេរិក៕   
ប្រភព៖ CNET

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]