ភ្នំពេញ៖ ដំណឹងអបអរសាទរ ដោយនៅរសៀលនេះ តារាសម្តែងប្រុសជើងចាស់ល្បីឈ្មោះ លោក ជា សំណាង បានចូលរោងការសិរីមង្គល ជាមួយនឹង តារាម៉ូដែលស្រីវ័យក្មេងស្រករក្រោយ ដែលគេស្គាល់ឈ្មោះក្នុងសិល្បៈថា Momo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នេះបើយោងតាមប្រភពមួយបានឲ្យដឹងថា តារាសម្តែងប្រុសវ័យ៤៩ឆ្នាំ លោក ជា សំណាង នឹងប្រារព្ធធ្វើពិធីរៀបមង្គលការរបស់លោក ជាមួយនឹងភរិយាថ្មីថ្មោង នៅឯខេត្តកំពត នៅក្នុងថ្ងៃស្អែកនេះ ហើយលោកក៏បានអញ្ជើញវត្តមានមិត្តៗរួមសិល្បៈជាច្រើននាក់ ចូលរួមនៅក្នុងពិធីមង្គលការរបស់លោកផងដែរ។
តួយ៉ាង ដំណឹងនេះចូលរោងមង្គលយ៉ាងស្ងប់ស្ងាត់របស់ តារាសម្តែងប្រុសជើងចាស់ ជា សំណាង បានធ្វើឲ្យប្រិយមិត្តគាំទ្រមានការភ្ញាក់ផ្អើលយ៉ាងខ្លាំង និងជាពិសេសអ្វីដែលធ្វើឲ្យគ្រប់គ្នាកាន់តែភ្ញាក់ផ្អើលទៅទៀតនោះ គឺលោកថែមទាំងអាចរកបានភរិយាដ៏វ័យក្មេង ស្រស់ស្អាត និងថែមទាំងជាអតីតបេក្ខនារីប្រឡងបរវកញ្ញាកម្ពុជាឆ្នាំ២០១៧ ថែមទៀតផង។
មិនថាយ៉ាងណា ក្នុងនោះក៏អ្នកគាំទ្រជាច្រើន បានធ្វើការជូនពរដល់គូស្វាមីភរិយាថ្មោងថ្មីមួយគូនេះ ឲ្យស្រលាញ់គ្នាបានយូរអង្វែងផងដែរ៕