អ៊ុន អាលីហ្សា មិនសូវលេចមុខក្នុងសិល្បៈ តែកាក់កបណាស់ សង់ផ្ទះវីឡាយ៉ាងធំស្កឹមស្កៃ!

ភ្នំពេញ៖ អ្នកនាង អ៊ុន អាលីហ្សា ដែលធ្លាប់តែជាសម្ដែងស្រី ដ៏ពេញនិយម បានបាត់មុខឈឹងពីវិស័យសិល្បៈ ធ្វើឲ្យហ្វេនៗរាល់គ្នានឹករលឹកដល់​រូបនាងយ៉ាងខ្លាំង។

យ៉ាងណាមិញ ទោះជា អ៊ុន អាលីហ្សា មិនបានស្ថិតក្នុងចង្កោមសិល្បៈសម្ដែងដូចមុនក្ដី តែតារាស្រីរូបនេះ កំពុងទទួលបានការមើលថែទាំបេះដូង និងក្ដីស្រលាញ់ថ្នាក់ថ្នម យ៉ាងកក់ក្ដៅពីសំណាក់ស្វាមីដ៏សង្ហា។

មិនតែប៉ុណ្ណោះ អតីតតារាសម្ដែងនិយមភាពស៊ិចស៊ីរូបនេះ កាន់តែមានជីវភាពហ៊ឺហា រស់នៅលើគំនរទ្រព្យសម្បតិ្តជាច្រើន។ ជាក់ស្ដែង ថ្មីៗនេះ អ៊ុន អាលីហ្សា ទទួលបានចំណងដៃថ្មី ដោយកំពុងសាងសង់ផ្ទះវីឡាមួយ យ៉ាងធំស្កឹមស្កៃ នៅឯព្រែកឯង។

ជាមួយគ្នានេះដែរ ផ្ទះវីឡាថ្មីរបស់ អ៊ុន អាលីហ្សា មើលទៅទំនងជាចំណាយអស់រាប់ម៉ឺនដុល្លារជាមិនខាន ព្រោះមើលទៅមានភាពស្រស់ស្អាត និងប្រណីតមិនណយទេ ទោះជាមិនទាន់សាងសង់ហើយ១០០ភាគរយក៏ដោយ។

ដោយឡែក បន្ទាប់ពី អ៊ុន អាលីហ្សា បើកបង្ហាញរូបភាពផ្ទះកំពុងសាងសង់នោះភ្លាម មានហ្វេនៗមិនតិចនាក់ទេ ដែលលួចសរសើរពី​ជីវិតដ៏ជោគជ័យ ទាំងវ័យក្មេង របស់នាងបែបនេះ៕

ចង់ជ្រាបច្បាស់ ទស្សនារូបភាពខាងក្រោម៖