រាជធានីភ្នំពេញ ៖ ជនសង្ស័យជាជនជាតិចិនចំនួន១១នាក់ បានចាប់បុរសជាចិនដូចគ្នាម្នាក់ទៀត ដោយបង្ខាំក្នុងផ្ទះមួយកន្លែង ដើម្បីជម្រិតទារប្រាប់រាប់ម៉ឺនដុល្លារ ហើយត្រូវសាច់ញាតិជនរងគ្រោះប្ដឹងសុំឲ្យស្ថានទូតសាធារណរដ្ឋប្រជាមានិតចិនប្រចាំនៅកម្ពុជា ជួយអន្តរាគមន៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទើបស្ថានទូតចិនធ្វើលិខិត១ចូលទៅកាន់នាយកដ្ឋានចារកម្មក្រសួងមហាផ្ទៃប្រាប់ពីរឿងនេះ បន្ទាប់មកកម្លាំងនគរបាលក្រសួងមហាផ្ទៃសហការជាមួយកម្លាំងនគរបាលខណ្ឌពោធិ៍សែនជ័យ និងនគរបាលប៉ុស្តិ៍កាកាប២ ចុះបង្ក្រាប និងចាប់ខ្លួន ព្រមទាំងជួយរំដោះជនរងគ្រោះបានដោយជោគជ័យ។
ប្រតិត្តិការនេះ បានធ្វើឡើងកាលពីម៉ោង១២និង៣០នាទីរសៀល ថ្ងៃទី០៨ ខែវិច្ឆិកា ឆ្នាំ២០១៩ នៅចំណុចផ្ទះល្វែងមួយកន្លែង ស្ថិតក្នុងបុរីព្រីនថោន មុខអាកាសយានដ្ឋានអន្តរជាតិភ្នំពេញ ភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។
ក្រុមជនសង្ស័យទាំង១១នាក់នេះ មិនទាន់ត្រូវបានស្គាល់អត្តសញ្ញាណនៅឡើយទេ ដែលសុទ្ធតែជាមនុស្សប្រុសទាំងអស់ ចំណែកជនរងគ្រោះត្រូវបានស្គាល់ឈ្មោះ HU XUHENG ភេទប្រុស អាយុ៣០ឆ្នាំ ហើយជនរងគ្រោះរូបនេះបានរងរបួសរាងកាយយ៉ាងដំណំ ដោយសារក្រុមឧក្រិដ្ឋជនវាយធ្វើទារុណកម្ម ក្នុងពេលបង្ខាំង។
តាមសមត្ថកិច្ចបានឲ្យដឹងថា ក្រោយពីទទួលបានដំណឹងដ៏គួរឲ្យភ្ញាក់ផ្អើលខាងលើនោះនាយកដ្ឋានចារកម្ម បានចាត់កម្លាំងជំនាញធ្វើការស្រាវជ្រាវបន្ទាន់ រហូតរកឃើញទីតាំងបង្ខាំងជនរងគ្រោះ ដើម្បីជម្រិតទារប្រាក់ខាងលើ។ បន្ទាប់មក នៅវេលារសៀលថ្ងៃទី៨ ខែវិច្ឆិកា កម្លាំងនគរបាលជំនាញខាងលើ បានចុះទៅសហការជាមួយកម្លាំងនគរបាលខណ្ឌពោធិ៍សែនជ័យ និងប៉ុស្តិ៍កាកាប២ ចុះធ្វើការបង្ក្រាប និងឃាត់ខ្លួនជនដៃដល់ដែលជាជនជាតិចិនចំនួន១១នាក់ ព្រមទាំងបានរំដោះជនរងគ្រោះដោយជោគជ័យ ប៉ុន្តែជនរងគ្រោះស្ថិតក្នុងសភាពរបួសរាងកាយ ដោយសារតែក្រុមជនសង្ស័យចាប់បង្ខាំង រួចវាយធ្វើទារុណកម្ម ។
មិនតែប៉ុណ្ណោះសមត្ថកិច្ចដកហូតបានវត្ថុតាងមួយចំនួន រួចនាំទៅសាកសួរនៅក្រសួងមហាផ្ទៃរង់ចាំចាត់ការតាមច្បាប់ ៕
ប្រភព៖ កោះសន្តិភាព