ពិតជាមោទនភាពណាស់! ចន សុទីម៉ា បានគ្រងមកុដ លើឆាកអន្តរជាតិ (មានវីដេអូ)

ម៉ាឡេស៊ី៖ ប្រិយមិត្តមួយចំនួន ប្រាកដជាបានជ្រាបរួចមកហើយពី កញ្ញា ចន សុទីម៉ា ដែលជាម្ចាស់ជ័យលាភីលេខ២ ក្នុងកម្មវិធី បវរកញ្ញាចក្រវាល កម្ពុជា ឆ្នាំ២០១៩ ដែលប្រកបដោយរូបសម្បត្តិស្រស់សោភា និងកម្ពស់ខ្ពស់ស្រឡះ ស៊ីដាច់គេតែម្ដង។

ជាមួយគ្នានេះដែរ ថ្មីៗនេះ តារាស្រីរូបនេះ បានចាកចេញពីប្រទេសកំណើត ទៅកាន់ប្រទេសម៉ាឡេស៊ី ដើម្បីចូលរួមកម្មវិធីប្រកួតប្រជែងអន្ដរជាតិមួយឈ្មោះថា «Miss Tourism International 2019» ដោយមានបេក្ខនារីមកពីបណ្តាប្រទេសផ្សេងៗជាច្រើន។

ជាក់ស្ដែង ក្រោយពីឆ្លងកាត់ការប្រលងអស់ជាច្រើនវគ្គរួចមក ទីបំផុតកម្មវិធី «Miss Tourism International» បានឈានដល់វគ្គផ្ដាច់ព្រ័ត្រហើយ កាលពីយប់មិញនេះ។ អ្វីដែលពិសេស ចន សុទីម៉ា ពិតជាធ្វើបានល្អ ដោយទទួលបានពានរង្វាន់និងមកុដ «Miss Dream Girl of The year International 2019/2020» ឬលំដាប់រងទី៤ ក្នុងកម្មវិធី Miss Tourism Internatinal 2019 នេះផ្ទាល់តែម្ដង។

ចន សុទីម៉ា បានធ្វើមហាជនរាល់គ្នារំភើប និងមានមោទកភាពក្រៃលែង ដោយរូបនាងអាចផ្សព្វផ្សាយពីវប្បធម៌ និងសម្រស់របស់នារីខ្មែរ ឲ្យពិភពលោកបានស្គាល់កាន់តែច្បាស់បែបនេះ៕

ចង់ជ្រាបច្បាស់ ទស្សនារូបភាពខាងក្រោម៖