កម្មវិធីអបអរសាទរ ការប្រកួតប្រជែងក្នុងកម្មវិធី «ABC Lions of Fashion» ទទួលបានជោគជ័យនៅ Neo Skybar!

ភ្នំពេញ៖ កាលពីថ្ងៃទី០២ ខែវិច្ឆិកា ឆ្នាំ២០១៩  ស្រាបៀរ ABC អិចស្ត្រាស្តោត បានបន្តរៀបចំកម្មវិធីអបអរសាទរការប្រកួតប្រជែងក្នុងកម្មវិធី ABC Lions of Fashion នៅ Neo Skybar ដោយបានទទួលការចូលរួមពីសំណាក់មិត្តយុវវ័យយ៉ាងច្រើនកុះករ។

កម្មវិធីអបអរសាទរការប្រកួតប្រជែងក្នុងកម្មវិធី ABC Lions of Fashion មានការអញ្ជើញចូលរួមពីកំពូលក្រុមតារាចម្រៀង Mustache Band និងពិធីករដ៏ស្រស់ស្អាត Jimmy Meng។ ក្រុមនារីដើរបង្ហាញម៉ូតដ៏ល្បីឈ្មោះ ប្រចាំប្រទេសកម្ពុជាបានដើរបង្ហាញម៉ូត ជាមួយបេក្ខជនទាំងដប់រូបដែលកំពុងប្រលង ដើម្បីដណ្តើមពានជើងឯក ក្នុងកម្មវិធីប្រកួតបង្ហាញម៉ូត ABC Lions of Fashion។

ក្នុងរាត្រីនោះ បេក្ខជនទាំងដប់រូបបានស្លៀកសម្លៀកបំពាក់ដ៏ស្រស់ស្អាត ដែលបានច្នៃម៉ូតដោយអ្នកច្នៃម៉ូតឈ្មោះ YUN ROTTANAK ចំណែកឯក្រុមនារីដើរបង្ហាញម៉ូតដ៏ល្បីឈ្មោះប្រចាំប្រទេសកម្ពុជា ស្លៀកសម្លៀកបំពាក់ដ៏ស្រស់ស្អាត ដែលបានច្នៃម៉ូតដោយអ្នកច្នៃម៉ូតឈ្មោះ DON PROTASIO។ 

លើសពីនេះទៅទៀត អតិថិជនម្នាក់ក្នុងចំណោមអតិថិជនជាច្រើន ដែលទិញស្រាបៀរ ABC អិចស្រ្តាស្តោត ៦ ដប ឬកំប៉ុង មានឱកាសឈ្នះរង្វាន់ជាច្រើនពីស្រាបៀរ ABC អិចស្រ្តាស្តោត។ ដើម្បីបង្កបរិយាកាសកាន់តែសប្បាយរីករាយ និងកាន់តែរំភើប មានរៀបចំកម្មវិធីលេងហ្គេមសប្បាយៗ និងចែករង្វាន់អនុស្សាវរីយ៍ពិសេសជូនអតិថិជន ខណៈពេលដែលកំពុងតែក្រេបភ្លក់នូវរសជាតិដ៏ឈ្ងុញឆ្ងាញ់នៃស្រាបៀរ ABC អិចស្ត្រាស្តោត។

កម្មវិធីពិសេសនេះរៀបចំក្នុងគោលបំណង ដើម្បីឱទ្ទេសនាមបេក្ខជនបេក្ខនារី ផ្នែកបង្ហាញម៉ូតចំនួន១០នាក់ ជាពិសេសអំពាវអំនាវឲ្យសាធារណជនចូលរួមបោះឆ្នោត ឬ Vote គាំទ្របេក្ខជនបេក្ខនារី ដែលពួកគេពេញចិត្ត តាមគេហទំព័រហ្វេសប៊ុកផ្លូវការរបស់ស្រាបៀរ ABC អិចស្ត្រាស្តោត ៖ https://www.facebook.com/ABC.ExtraStoutCambodia/។

កម្មវិធី ABC Lions of Fashion គឺជាកម្មវិធីដំបូងបង្អស់នៅក្នុងប្រទេសកម្ពុជា ដែលគោលបំណងទទួលស្គាល់ស្នាដៃអ្នកច្នៃម៉ូត និងអ្នកបង្ហាញម៉ូត ដែលជាតារាទើបតែរះនៅក្នុងព្រះរាជាណាចក្រកម្ពុជា។ កម្មវិធីប្រកួតនេះត្រូវបានរៀបចំឡើង ដោយសហការជាមួយស្ថាប័ន ដែលឈានមុខគេនៅក្នុងឧស្សាហកម្មច្នៃម៉ូដរបស់កម្ពុជា សមាគមរោងចក្រកាត់ដេរនៅកម្ពុជា (GMAC) ដែលផ្តោតលើការធានានូវស្តង់ដារ សមស្របនៅក្នុងវិស័យឧស្សាហកម្មផលិតសម្លៀកបំពាក់ ទស្សនាវដ្តី សូ​វរីន ដែលជាទស្សនាវដ្តីម៉ូដឈានមុខគេនៅកម្ពុជា Arise Agency ដែលជាទីភ្នាក់ងារបង្ហាញម៉ូតដែលនាំមុខគេ និង​វិទ្យាស្ថាន​បណ្ដុះបណ្ដាល​វិស័យ​កាត់ដេរ​នៅ​កម្ពុជា​ (CGTI)​ ដែលជាវិទ្យាស្ថានបណ្ដុះបណ្ដាលជំនាញ នៅក្នុងវិស័យកាត់ដេរសម្លៀកបំពាក់ និងវាយនភ័ណ្ឌ ដែលមានទំនាក់ទំនងជាមួយ GMAC។

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ ៕