អូទ្រីស៖ លោក Alf-Inge ដែលជាឪពុករបស់ខ្សែប្រយុទ្ធវ័យក្មេងកីឡាករ Erling Haaland បានបង្ហើបថាកូនរបស់គាត់អាចនឹងចូលរួមជាមួយក្លិប Manchester City ច្រើនជាង Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Alf-Inge ជាអតីតកីឡាកររបស់ក្លិប Manchester City ។ ហើយលោកបានបញ្ជាក់ថាកូនប្រុសរបស់លោកមានសុបិនចង់ទៅលេងក្នុងក្របខណ្ឌ Premier League ដោយលោកបាននិយាយក្នុងកម្មវិធី talkSPORT ថា៖
"គាត់ (Haaland) ជាអ្នកគាំទ្ររបស់ក្លិប Leeds United ក្លិប Manchester City និងក្លិប Nottingham Forest។ គាត់នឹងដើរតាមគន្លងរបស់ខ្ញុំ ហើយវាមានភាពខុសគ្នារវាងការគាំទ្រនិងការទទួលការងារនៅទីនោះ។ ខ្ញុំគិតថាគាត់ចង់លេងនៅ Premier League ប៉ុន្តែខ្ញុំមិនដឹងថាវាកើតឡើងនៅពេលណានោះទេ។ Premier League ជាលីគដ៏លំបាកមួយ។"
គួររម្លឹកផងដែរថាកីឡាករ Erling Haaland បានបង្ហាញទម្រង់លេងដ៏លេចធ្លោក្នុងរដូវកាលនេះ ដោយស៊ុតបញ្ចូលទីបានរហូតដល់២៣គ្រាប់ ចំណោម១៧ប្រកួត ថែមទាំងបានទាក់ចិត្តក្លិបធំៗជាច្រើននៅអឺរ៉ុបចង់បានរូបគេ រួមមានក្លិបកាំភ្លើងធំ Arsenal, Real Madrid, Manchester United, Manchester City និង FC Barcelona៕
ប្រភព៖ The Sun
Bong I.T