ចិន៖ ថ្មីៗនេះ អ្នកបើកយន្ដហោះម្នាក់ត្រូវបានបញ្ឈប់ពីការងារ ក្រោយពីបែកធ្លាយរូបភាពនារីម្នាក់អង្គុយនៅកន្លែងអ្នកបើកយន្ដហោះ។

ប្រភពបានឲ្យដឹងថា នារីវ័យក្មេងរូបនោះមានឈ្មោះថា Chen Yuying ជានិស្សិតឆ្នាំទី៣ នៅសកលវិទ្យាល័យ Guilin Tourism និងមានបំណងចង់ក្លាយទៅជាអ្នកបម្រើការងារនៅលើយន្ដហោះ បន្ទាប់ពីបញ្ចប់ការសិក្សា។ កាលពីថ្ងៃទី៣ ខែវិឆ្ឆិកា ឆ្នាំ២០១៩កន្លងទៅនេះ នាង Chen បានបង្ហោះរូបភាពមួយសន្លឹកទៅលើគណនីបណ្ដាញសង្គមរបស់នាង បង្ហាញពីនាងកំពុងអង្គុយនៅកន្លែងអ្នកបើកយន្ដហោះ និងមានអាហារសម្រន់នៅពីមុខ ដោយភ្ជាប់ជាមួយសារសរសេរថា៖

ប្រភពបានបន្ដថា បន្ទាប់ពីការបង្ហោះរូបភាពនោះរួចមក ធ្វើឲ្យបណ្ដាអ្នកលេងបណ្ដាញសង្គមជាច្រើនខឹងសម្បារមិនពេញចិត្ត និងស្នើសុំឲ្យមានការស៊ើបអង្កេតចំពោះករណីនេះ។

ក្រោយពីស៊ើបអង្កេតរួចមកបានឲ្យដឹងថា រូបភាពនោះត្រូវបានថត ខណៈពេលនាង Chen កំពុងធ្វើដំណើរពីទីក្រុង Guilin ទៅកាន់ទីក្រុង Yangzhou កាលពីដើមខែមករា ឆ្នាំ២០១៩មកម៉្លេះ។

យ៉ាងណាមិញ ខាងក្រុមហ៊ុនអាកាសយានដ្ឋាន Air Guilin បានចេញមុខសុំទោស និងព្រមទទួលកំហុសដែលមិនអាចគ្រប់គ្រងបុគ្គលិកឲ្យបានល្អ។ ចំណែកបុរសដែលជាបើកយន្ដហោះ ត្រូវបានបញ្ឈប់ពីការងារជាអ្នកបើកយន្ដហោះអស់មួយជីវិត និងបុគ្គលិកផ្សេងទៀតដែលបម្រើការងារក្នុងជើងហោះហើរនោះត្រូវផ្អាកពីការងារបណ្ដោះអាសន្នផងដែរ៕

សូមទស្សនរូបភាពខាងក្រោម៖

នាង Chen អង្គុយកន្លែងអ្នកបើកយន្ដហោះ
នាង Chen

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]