អ្នកជំនាញ ៖ ការផ្សព្វផ្សាយតាមបច្ចេកវិទ្យា មានប្រសិទ្ធភាពខ្ពស់ សម្រាប់មុខជំនួញ!

«ការធ្វើទីផ្សារលើប្រព័ន្ធ Digital វាមិនមែនមានត្រឹមតែនៅលើបណ្តាញ ទំនាក់ទំនងសង្គម facebook ប៉ុណ្ណោះទេ ប៉ុន្តែនៅមានបណ្តាញផ្សេងៗជាច្រើនទៀតដូចជា ការធ្វើទីផ្សារតាមរយៈបណ្តាញ SMS Email Marketing Website Google YouTube Twitter Lindin Telegram Instagram ដែលជាប្រព័ន្ធ Social Media ដែលសុទ្ធតែជាផ្នែកមួយយ៉ាងសំខាន់ របស់ Digital Marketing  ដែលត្រូវបានកំណត់ប្រើប្រាស់ និងគ្រប់គ្រងដោយក្រុមហ៊ុនជំនាញ។»

«ការធ្វើទីផ្សារដោយប្រព័ន្ធ Digital Marketing គឺមានអត្រាជោគជ័យខ្ពស់ សម្រាប់បណ្តាអាជីវកម្ម និងមុខជំនួញផ្សេងៗ និងការជំរុញប្រភេទផលិតផល សេវាកម្មរបស់ក្រុមហ៊ុនទៅកាន់ទីផ្សារតាមរយៈការផ្សព្វផ្សាយ។ បច្ចុប្បន្ននេះ ការផ្សព្វផ្សាយពីព័ត៌មានរបស់ក្រុមហ៊ុន ក៏ដូចជាផ្សព្វផ្សាយពីប្រភេទសេវាកម្ម ឬផលិតផលនានា គេមិនប្រើវិធីសាស្ត្របែបប្រពៃណីដូចជាការបោះពុម្ពខិតប័ណ្ណដើរចែកតាមទីប្រជុំជន ឬតាមតំបន់ភ្លើងស្តុបនោះទៀតហើយ គឺគេបានងាកមកប្រើប្រព័ន្ធ Digital Marketing ដែលចំណាយលុយតិច ងាយស្រួលក្នុងការប្រើប្រាស់សម្រាប់ផ្សព្វផ្សាយ ហើយទទួលបានលទ្ធផលល្អ មានប្រសិទ្ធភាពខ្ពស់ ចំគោលដៅដែលចង់បាន។»

«ជាការជួយជំរុញ និងគាំទ្រដល់បណ្តាក្រុមហ៊ុនខ្នាតតូច និងមធ្យម (SME) នៅកម្ពុជា ជាមួយនឹងកិច្ចដំណើរការទៅលើប្រព័ន្ធ Digital Marketing នេះ ក្រុមហ៊ុន Riich Me Cambodia បានបង្កើតជា E-commerce Platform ដើម្បីផ្តល់ភាពងាយស្រួល និងលទ្ធភាពដល់ក្រុមហ៊ុននានាសម្រាប់ដំណើរការអាជីវកម្ម ក៏ដូចជាជំរុញផលិតផលទីកាន់ទីផ្សារឱ្យបានទូលាយ ជាពិសេសមានឱកាសក្នុងការអភិវឌ្ឍក្រុមហ៊ុន ឱ្យកាន់តែមានភាពល្អប្រសើរ។»

«តាមរយៈ  E-commerce Platform មួយនេះ ក្រៅពីអាចជួយចូលរួមអភិវឌ្ឍន៍ក្រុមហ៊ុន ឱ្យមានភាពរីកចម្រើន ថែមទាំងអាចជំរុញផលិត និងសេវាកម្មរបស់ក្រុមហ៊ុន ចេញទៅកាន់ទីផ្សារអន្តរជាតិបានទៀតផង។»