ទីបំផុត! ប៉ែន ចំរ៉ុង បង្ហាញថ្ងៃចូលរោងជ័យច្បាស់លាស់ហើយ

ភ្នំពេញ៖ ដូចដែលមហាជន បានជ្រាបរួចមកហើយថា លោក ប៉ែន​ ចំរ៉ុង កំពុងទទួលបានភាពជោគជ័យយ៉ាងខ្លាំង ទាំងការងារសិល្បៈ ព្រមទាំងជីវិតស្នេហាដ៏ផ្អែមល្ហែម ជាមួយអនាគតភរិយាយ៉ាងស្រស់ស្អាតមួយរូប។

ជាពិសេស កាលពីមួយរយៈមុន បានបែកធ្លាយរូបថត Pre-Weddingជាច្រើនសន្លឹករវាង ចំរ៉ុង និងគូដណ្ដឹង ដោយបានផ្ដិតយករូបភាព ធ្វើជាអនុស្សាវរីយ៍ នៅលើទឹកដីសៀមរាប ក្នុងឈុតបែបកូនកម្លោះ កូនក្រមុំ យ៉ាងផ្អែមល្ហែម។

យ៉ាងណាមិញ គ្រាន់តែឃើញរូបថតទាំងនោះភ្លាម អាចឲ្យទស្សនិកជនរាល់គ្នា ទាយបានថា ពិធីករដ៏ក្រមិចក្រមើមរូបនេះ ត្រៀបនឹងចូលរោងជ័យ ឆាប់ៗនេះ ជាក់ជាមិនខាន។

មិនបានប៉ុន្មានផង ស្រាប់តែ ប៉ែន ចំរ៉ុង បានបង្ហោះធៀបការជាច្រើនសន្លឹក បង្កការភ្ញាក់ផ្អើលខ្លាំងណាស់ ដោយពិធីទាំងមូលនឹង ប្រារព្ធឡើងនៅ វិមានពិភពថ្មី សែនសុខ ថ្ងៃទី ២៨ វិច្ឆិកា ឆាប់ៗខាងមុខនេះតែម្ដង៕