ភ្នំពេញ ៖ កាលពីថ្ងៃទី២៩ ខែតុលា ឆ្នាំ២០១៩ ស្ថិតក្នុងផ្សារទំនើប Aeon Mall សែនសុខ ក្រុមហ៊ុន ASUS មានមោទកភាពយ៉ាងខ្លាំង ដោយបាននាំចូលនូវផលិតផលកុំព្យូទ័រថ្មី ដំបូងគេបង្អស់ដែលមានអេក្រង់ដល់ទៅ២ របស់ត្រកូល Zenbook ស៊េរីចុងក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុននេះបានរៀបចំកម្មវិធី សម្ពោធផលិតផលថ្មីរបស់ខ្លួន ចំនួន ៣ម៉ូដែល ហើយម៉ូដែលទាំងនោះសុទ្ធសឹងតែជា ត្រកូល ASUS Zenbook ស៊េរីចុងក្រោយទាំងអស់។
ផលិតផលថ្មីនេះ ទទួលបានការចាប់អារម្មណ៍យ៉ាងខ្លាំង ពីសំណាក់យុវជនទូទៅ ក៏ដូចជាអ្នកធ្វើការ ពិសេសអ្នកកាត់ត និងអ្នក Livestream វីដេអូជាដើម ហើយពួកគេក៏បានមកចូលរួម នៅក្នុងកម្មវិធីបើកសម្ពោធនេះផងដែរ។
គួរបញ្ជាក់ផងដែរថា ម៉ូដែលដែលបានបើកសម្ពោធ កាលពីថ្ងៃម្សិលមិញនេះគឺរួមមាន ៖
- កុំព្យូទ័រយួរដៃសេរីថ្មី Zenbook Pro Duo: UX581GV
- កុំព្យូទ័រយួរដៃសេរីថ្មី Zenbook Duo: UX481FL
- កុំព្យូទ័រយួរដៃសេរីថ្មី Zenbook: UX434FL
ក្នុងនោះដែរ លោក Lawrence LIU ដែលជាប្រធានគ្រប់គ្រងផលិតផល ASUS ប្រចាំប្រទេសកម្ពុជា បានថ្លែងអំណរគុណដល់ប្រជាពលរដ្ឋកម្ពុជាទាំងអស់ មិនថាជានិស្សិត អាជីវករ និយោជិត និយោជក និងស្ថាប័នតំណាងទាំងអស់ ដែលបាននិងបន្តគាំទ្រផលិតផល ASUS ដែលជាចំណែកដ៏ធំ ក្នុងភាពជោគជ័យរបស់ក្រុមហ៊ុន ដូចជាសព្វថ្ងៃនេះ។
លោកមានក្ដីរំភើបជាខ្លាំង ដែលមានឱកាសនាំយកផលិតផលថ្មីៗទាំងនេះ មកកាន់ទីផ្សារកម្ពុជា។ លោក Lawrence LIU សង្ឃឹមយ៉ាងមុតមាំថា ផលិតផលទាំងនេះគឺពិតជាទទួលបានភាពជោគជ័យ។ វាជាការបើកទំព័រប្រវត្តិសាស្ត្រ ដែលបង្ហាញថាការអភិវឌ្ឍន៍ ផ្នែកបច្ចេកវិទ្យានៅកម្ពុជាគឺប្រកបដោយភាពច្នៃប្រឌិតខ្ពស់ ហើយអាចផ្គត់ផ្គង់តាមតម្រូវការរបស់ប្រជាជនខ្មែរគ្រប់រូបបាន ហើយថែមទាំងធ្វើឲ្យពួកគេ សម្រេចបាននូវប្រសិទ្ធភាពការងារប្រចាំថ្ងៃ។
មិនត្រឹមតែប៉ុណោ្ណះទេ លោកថែមទាំងសន្យាទៀតថា នឹងព្យាយាមផ្តល់សេវាកម្មដ៏ល្អបំផុតសម្រាប់អតិថិជនគ្រប់រូប សន្យានាំយកនូវអ្វីដែលថ្មី ប្លែក ដើម្បីឲ្យទីផ្សារប្រទេសកម្ពុជាដើរទាន់សម័យកាលពិភពលោកនាពេលបច្ចុប្បន្ន និងអនាគត។
លើសពីនេះទៅទៀត យើងឃើញមានវត្តមាន តារាៗយូធូបជាច្រើនចូលរួមនៅក្នុងកម្មវិធីផងដែរ។ ពួកគេម្នាក់ៗ សុទ្ធដឹងតែបញ្ចេញមតិវិជ្ជមាន ជុំវិញតម្រូវការនៃការប្រើប្រាស់កុំព្យូទ័រទាំងនេះ។
តួយ៉ាង លោកឆេងសុភ័ក្ត្រ អ្នកកាន់គេហទំព័រ «Reanthort» ដែលគ្រប់គ្នាតែងតែហៅថា «ពូជ្រួញ» ក៏បានឡើងបង្ហាញ និងអនុវត្តផ្ទាល់ទៅលើការកាត់តរូបភាព រួមទាំងការងារជាច្រើនទៀត នៅលើកុំព្យូទ័រ Zenbook Pro Duo ប្រកបដោយភាពរហ័ស និងងាយស្រួលបំផុតដោយសារតែក្នុងពេលតែមួយ លោកអាចប្រើប្រាស់បានអេក្រង់ដល់ទៅ២។ ចំណែកឯកញ្ញាសូកូឡា និងលោក CHEE ក៏បានឡើងបង្ហាញការគូរគំនូរ និងការបង្កើតចង្វាក់ភ្លេងនៅលើប្រភេទកុំព្យូទ័រមួយនេះផងដែរ។ ទាំងនេះហើយជាគុណសម្បត្តិរបស់កុំព្យូទ័រស៊េរីថ្មីរបស់ ASUS៕