ស្គាល់គ្នាជាង១០ឆ្នាំ ទីបំផុត Youtuber វីន វិទូ និង Maream ចូលរោងភ្ជាប់ពាក្យថ្ងៃនេះ

ភ្នំពេញ៖ ប្រិយមិត្តជាច្រើនដែលនិយមតានដានវីដេអូ Vlog និងវីដេអូប្លែកៗជាច្រើននៅក្នុងបណ្តាញសង្គមYoutube ប្រាកដជាបានស្គាល់ហើយ នូវYoutuber លោកវីន វិទូ និងMaream ដែលអ្នកទាំង២បានចាប់ដៃស្រលាញ់គ្នាអស់ពេលជាច្រើនឆ្នាំមកហើយ។

នាថ្ងៃនេះដែល Youtuber ដ៏មានប្រជាប្រិយភាពមួយគូនេះ បានធ្វើឲ្យបណ្តាហ្វេនជាច្រើនមានការភ្ញាក់ផ្អើលយ៉ាងខ្លាំង ក្រោយអ្នកទាំងពីរ បានចាប់ដៃគ្នាចូលរោងជ័យ ភ្ជាប់ពាក្យ ដែលបានប្រព្រឹត្តទៅកាលពីព្រឹកមិញនេះ ជាមួយនឹងការប្រារព្ធឡើងយ៉ាងអធិកអធមតែម្តង។

ទន្ទឹមនឹងថ្ងៃដ៏ពិសេសនេះដែរ ឃើញថាអ្នកទាំងពីរបានធ្វើការតែងខ្លួន ក្នុងឈុតប្រពៃណីយ៉ាងសមសួន សាកសមគ្នាតែម្តង ស្របពេលដែលអ្នកទាំង២ភាគច្រើននិយមតែងខ្លួន បែបយុវវ័យ និងស៊ិចស៊ី។

ដំណឹងនេះដែរ ក៏បានធ្វើឲ្យអ្នកគាំទ្រជាច្រើនរំភើបចិត្តជំនួសពួកគេយ៉ាងខ្លាំង ដែលក្រោយកាន់ដៃគ្នាអស់រយៈពេលជាង១០ឆ្នាំមកនេះ ទើបតែពេលនេះបានកាន់ដៃគ្នាចូលរោងជ័យ សម្រេចបំណងរបស់ខ្លួនពោរពេញដោយក្តីសុខបែបនេះ៕

សូមទស្សនារូបភាពខាងក្រោមនេះ៖