រាជធានីភ្នំពេញ ៖ ស្ថិតក្នុងឈុតប្រពៃណីរៀបការអ្នកនាង សុន ស្រីពេជ្រ និងស្វាមីញញឹមរីករាយមិនតិចទេ ពេលឃើញសន្ទុះមិត្តសិល្បករមកចូលរួមជូនពរ និងផ្តល់កិត្តិយសពីសាច់ញាតិទាំងសងខាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិធីមង្គលការនេះ បានប្រព្រឹត្តទៅកាលពីថ្ងៃទី២៣ តុលា ឆ្នាំ ២០១៩ ហើយដើម្បីរឹតចំណងស្នេហ៍ឲ្យរឹតតែមានសុភមង្គលទ្វេឡើងនោះ ភរិយាស្វាមីរូបនេះបានបង្ហើបរឿងយកកូនបន្ទាប់ទៀត ដើម្បីឲ្យចាស់ទុំបានពរចៅជាបន្តបន្ទាប់។
អ្នកនាង សុន ស្រីពេជ្រ បានប្រាប់ឲ្យដឹងថា គម្រោងរៀបការនេះ នាងបានគិតគូរតាំងពី២ឆ្នាំមុនមកម្ល៉េះ ទើបតែលេចរូបរាងឡើងនាពេលនេះ។ ពួកយើងទាំង២បានមើលចិត្តថ្លើមគ្នាយូរឆ្នាំដែរ ទើបសម្រេចចិត្តដើរផ្លូវជីវិតតែមួយ។ ចំពោះផែនការយកកូនទី២ អាស្រ័យលើពេលវេលាបើមានក៏យក ព្រោះតាយាយទាំងសងខាងសុទ្ធតែចង់បានចៅច្រើន។
ក្នុងពិធីនោះដែរ អ្នកសិល្ប: ស្ទើរតែគ្រប់ជំនាន់តែម្ដងបានបង្ហាញខ្លួន ដែលក្នុងនោះមានដូចជា ៖ អ្នកនាង ឈួន សុវណ្ណឆៃ, លោក សុះ ម៉ាច, កញ្ញា រ៉ូលីន, អ្នកនាង កាតុ, លោក ញ៉ែម សុគន្ធ, លោក កុយ ស៊ីឌឿន, អ្នកនាង កែវ ច័ន្ទសម្ផស្ស, អ្នកនាង យ៉ុង ចាន់កណ្ណិកា, នាយក្រឹម, លោក សុធា ពិសិដ្ឋ និងសិល្បករសិល្បការិនីយ៉ាងច្រើនកុះករ៕
ប្រភព៖ កោះសន្តិភាព
Bong I.T