ភ្នំពេញ៖ បន្ទាប់ពីស្ងាត់មុខមួយរយៈ ស្រាប់តែពេលថ្មីៗនេះបានលេចមុខសារជាថ្មីនូវវត្តមានតារាចម្រៀងលោក ណាំ ប៉ុណ្ណារ័ត្ន និងលោក សាន ផានិត ដែលបានចាប់ដៃគ្នាជាមួយនឹងតារាសម្តែងលោក វី ជីវ័ន្ត និងលោក លី យ៉ាំង បានចេញបទចម្រៀងរួមគ្នាមួយបទ ដែលបង្កប់អត្ថន័យឆ្លុះបញ្ចាំងពីប្រទេសកម្ពុជាជាប្រទេសមួយដ៏អច្ឆរិយ ដែលសម្បូរទៅដោយធនធានធម្មជាតិ ជាពិសេសប្រាសាទបុរាណ។ ដោយបទចម្រៀងនោះមានចំណងជើងថា «កម្ពុជា ដែនដីសុវណ្ណភូមិ»

តារាចម្រៀងទាំង៤ដួង 

បទចម្រៀង «កម្ពុជា ដែនដីសុវណ្ណភូមិ» ជាស្នាដៃនិពន្ធដោយលោក លី យ៉ាំង និងនិពន្ធបទភ្លេងដោយ ព្រឹទ្ធាចារ្យ ឯល ប៉ុណ្ណា និងសម្រួលតន្រ្តីដោយលោក ណាំ ប៉ុណ្ណារ័ត្ន

ទៀតសោតបទចម្រៀងមួយបទនេះនឹងត្រូវយកទៅបង្ហាញនៅក្នុងកម្មវិធី «មហោស្រពវប្បធម៌ចម្រុះឆ្នាំ២០១៩» ដែលនឹងរៀបចំឡើងនៅក្នុងថ្ងៃទី២៥ ខែតុលា ដល់ថ្ងៃទី២៧ ខែតុលា ខាងមុខនេះ ក្នុងសួនវប្បធម៌យ៉ុងជី ទីក្រុងឆាំងវ៉ុន ប្រទេសកូរ៉េ។

គួរឲ្យដឹងផងដែរថា កម្មវិធី «មហោស្រពវប្បធម៌ចម្រុះ» នេះ ជាកម្មវិធីលក្ខណៈអន្តរជាតិ ដោយមានការចូលរួមពីអ្នកចម្រៀងតាមបណ្តាប្រទេសនានា ដើម្បីបង្ហាញពីវប្បធម៌ដ៏សម្បូរបែបនៃប្រទេសរបស់ខ្លួន។

ជាក់ស្តែងសម្រាប់ប្រទេសកម្ពុជា គឺមានវត្តមានតារាចម្រៀងទាំង៤រូប ដែលជាម្ចាស់បទ «កម្ពុជា ដែនដីសុវណ្ណភូមិ» ផ្ទាល់ នឹងធ្វើដំណើរទៅកាន់ប្រទេសកូរ៉េនៅថ្ងៃទី២៣ ខែតុលាខាងមុខនេះ ដើម្បីចូលរួមនៅក្នុងកម្មវិធី ក៏ដូចជាបង្ហាញពីភាពអស្ចារ្យរបស់ប្រទេសកម្ពុជានៅលើឆាកអន្តរជាតិផងដែរ។

តារាចម្រៀងទាំង៤ដួង

យ៉ាងណាមិញ ការច្រៀងរួមគ្នារបស់តារាចម្រៀងទាំង៤រូប បានធ្វើឲ្យមហាជនជាច្រើនស្ញើចសរសើរគ្រប់ៗគ្នាចំពោះចម្រៀងមួយបទនេះ ដែលបានរៀបរាប់ពីប្រវត្តិរបស់កម្ពុជា ជាប្រទេសមួយដែលបរទេសមិនអាចមើលស្រាលបាន៕  

សូមទស្សនារូបភាព និងវីដេអូខាងក្រោម៖

លោក សាន ផានិត
លោក ណាំ ប៉ុណ្ណារ័ត្ន
លោក វី ជីវ័ន្ត
លោក លី យ៉ាំង
វីដេអូ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ

ណាំ ប៊ុណ្ណារ័ត្ន