ហេតុតែជាស្រីស្អាត! ដាវដាវ ត្រូវបានគូស្នេហ៍តាម Take Care ជាប់រហូត

ភ្នំពេញ៖ បើគិតទៅ កញ្ញា ដាវដាវ ទើបតែបានឈានជើង ប្រឡូកក្នុងវិស័យសិល្បៈ ប៉ុន្មានឆ្នាំចុងក្រោយនេះទេ ប៉ុន្តែប្រជាប្រិយភាព ហាក់ដូចជាមានសន្ទុះ នៃការគាំទ្រយ៉ាងខ្លាំងក្លា ពីសំណាក់ហ្វេនៗជាច្រើន។

ពិតណាស់ ក្រៅពីសមត្ថភាពដ៏សម្បូរបែបហើយ ដាវដាវ បានឆាបយក ការចាប់អារម្មណ៍បានមិនចេះតិច ដោយសារតែរូបសម្រស់ស្រស់ស្អាត និងរាងកាយដ៏លេចធ្លោ គួរឲ្យសរសើរ។ ជាពិសេស តារាស្រីពន្លកថ្មីរូបនេះ មិនត្រឹមតែទទួលបាន ភាពជោគជ័យក្នុងការងារទេ តែបើងាកមើលជីវិតស្នេហាវិញ កាន់តែមានភាពផ្អែមល្ហែម គួរឲ្យច្រណែនណាស់។

ជារឿយៗ ដាវដាវ តែងបង្ហោះរូបភាពជាមួយ បុរសសម្បុរស កូនកាត់ចិន ដែលត្រូវបានគេស្គាល់ថា ជាម្ចាស់បេះដូង ដោយបុរសរូបនោះ​ តាមមើលថែរូបនាង ស្ទើរតែគ្រប់ជំហ៊ាន ទៅហើយ ថែមទាំងបញ្ចេញសកម្មភាព ស្វីតៗជាប្រចាំ។

ជាមួយគ្នានេះដែរ អ្វីដែលគួរឲ្យសរសើរនោះគឺ ទោះជា ដាវដាវ ជាតារាមួយរូប​មែន តែរូបនាង មិនខ្លាចនឹងបញ្ចេញ មុខមាត់គូស្នេហ៍ឲ្យមហាជន បានស្គាល់នោះទេ ព្រមទាំងតែងបណ្ដើរគ្នាយ៉ាងត្រសង មើលទៅសមគ្នាខ្លាំងណាស់៕

ចង់ជ្រាបច្បាស់ ទស្សនារូបភាពខាងក្រោម៖