មើលឲ្យជាក់សឹមញាក់ចិញ្ចើម ស្នាមសាក់២កន្លែង របស់BOB ធ្វើឲ្យគេសរសើរពេញមាត់ ដែលមានគំនិតបែបនេះ

ភ្នំពេញ៖ តារាចម្រៀងប្រុស BOB កំពុងតែទទួលបានការគាំទ្រយ៉ាងខ្លាំង ពីសំណាក់ហ្វេនៗជាច្រើន​ជាមួយនឹងបទរ៉េបរបស់លោក និងរួមទាំងបទមនោសញ្ចេតនា ស្នេហាជ្រាលជ្រៅផងដែរ។

ជាក់ស្តែង បើក្រឡេកមើលស្ទាយ៍លេងខ្លួនរបស់ តារាប្រុសរូបនេះ តែងតែធ្វើខ្លួនតាមបែបយុវវ័យ ហើយជាពិសេស​គេក៏សង្កេតឃើញ មានស្នាមសាក់មួយចំនួន នៅលើខ្លួនលោកផងដែរ ដែលវាជាសិល្បៈ និងលម្អខ្លួន លើសម្បកក្រៅតែប៉ុណ្ណោះ។

ប៉ុន្តែមានស្នាមសាក់២កន្លែង ដែលធ្វើឲ្យហ្វេនភ្ញាក់ផ្អើល និងសរសើរថា ត្រង់ក្រោយត្រចៀករបស់លោក មានស្នាមសាក់ជារូបតំណាងប្រាក់រៀល «រ» និង ត្រង់ចំបំពង់ក លោកទើបតែសាក់លេខ«១១១៣» ដែលជាឆ្នាំកសាងប្រាសាទអង្គរវត្តទៀតផង។

យ៉ាងណាមិញ បើក្រឡេកមើលតារាដែលមានស្នាមសាក់ គឺភាគតិចណាស់ ដែលសាក់ ទាក់ទងនឹងវប្បធម៌ និងអត្តសញ្ញាណខ្មែរ ភាគច្រើន ពួកគេ សាក់ជាឈ្មោះ និងពាក្យពេចន៍មួយចំនួន សម្រាប់អារម្មណ៍របស់ពួកគេជាដើម៕

ទៅមើលជាមួយនឹងខ្មែរឡូត ទាំងអស់គ្នា ជាមួយនឹងស្នាមសាក់២កន្លែងរបស់លោក៖