កូរ៉េខាងត្បូង៖ ថ្មីៗនេះក្នុងកម្មវិធី Mnet “TMI News” ភាគទី៩ បានចេញផ្សាយអត្ថបទទាក់ទងនឹងសមាជិកក្រុម BigBang លោក G-Dragon ដែលអាចរកចំណូលបានយ៉ាងច្រើន បើទោះជាខ្លួនបានផ្អាកពីសិល្បៈដើម្បីហ្វឹកហាត់ទាហានក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផ្អែកលើព័ត៌មាននេះ បានចុះផ្សាយទាក់ទងនឹងតារាចម្រៀងដែលរកចំណូលបានពីបទ Copyright ដែលមានន័យថាម្ចាស់កម្មសិទ្ធិបទចម្រៀង។ ក្នុងនោះដែរ ក្នុងតារាងតារាដែលរកចំណូលបានច្រើនជាងគេ គឺលោក G-Dragon សមាជិកក្រុម BigBang ជាមួយបទចម្រៀងដែលនៅក្រោមកម្មសិទ្ធិឈ្មោះរបស់លោកចំនូន ១៧៣ បទ។
ទាំងនេះមិនមែនជាអាថ៌កំបាំងនោះទេ ព្រោះថាលោក G-Dragon គឺជាតារាចម្រៀងល្បីមានជំនាញច្រើន ដោយមិនត្រឹមតែជាតារាចម្រៀង លោកក៏អាចធ្វើជាអ្នកផលិតបទចម្រៀង សម្រាប់តារាដទៃបានថែមទៀតផង។
គួររម្លឹកដែរថា បើតាមការបញ្ជាក់របស់ព័ត៌មាននោះ បានឲ្យដឹងថា លោក G-Dragon អាចរកចំណូលបានជាង ១.១៧ លានដុល្លារអាមេរិក ពីបទចម្រៀងក្រោមកម្មសិទ្ធិរបស់លោកទាំងនោះ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖