ម៉ាឡេស៊ី៖ ខណៈដែលបច្ចុប្បន្នករណីចោរឆក់ប្លន់ក្នុងប្រទេសម៉ាឡេស៊ី គឺជាបញ្ហាដ៏គួរឲ្យព្រួយបារម្ភ នារីវ័យក្មេងម្នាក់ស្រាប់តែបែកគំនិតប្រើឆ្កែចិញ្ចឹមដ៏សែនឆ្លាតរបស់ខ្លួន ឲ្យមកជួយពាំកាបូបឲ្យនាងក្នុងទីសាធារណៈ ដោយមិនខ្វល់ពីរឿងចោរឆក់ប្លន់។

ម្ចាស់ប្រើឆ្កែឲ្យពាំកាបូប

ជាក់ស្ដែង ផ្អែកតាមរយៈម្ចាស់គណនី Twitter មួយ ឈ្មោះ MyWatch (@My_CrimeWatch) ដែលបានបង្ហោះចែកចាយវីដេអូឃ្លីបជុំវិញនឹងរឿងមួយនេះ កាលពីពេលថ្មីៗកន្លងទៅនេះ ក្នុងនោះគឺបានបង្ហាញឲ្យឃើញ ពីនារីម្នាក់នៅឯតំបន់ Bukit Bintang ក្នុងប្រទេសម៉ាឡេស៊ី បានឲ្យអង្គរក្សពិសេស ពោលគឺ សត្វឆ្កែចិញ្ចឹមសម្បុរខ្មៅដ៏ឆ្លាត និងគួរឲ្យស្រលាញ់មួយក្បាលរបស់នាង (ពូជឆ្កែចិញ្ចឹម Rottweiler) ជួយខាំពាំកាបូបយួរមួយឲ្យនាង ខណៈដែលនាងដើរពីមុខមុនយ៉ាងរំភើយតែម្តង។

MyWatch បានសរសេរថា៖

ជុំវិញនឹងរឿងរ៉ាវមួយនេះ អ្នកលេងបណ្តាញសង្គមមួយចំនួន ក៏បានសម្ដែងការហូសចិត្ត និងអស់សំណើច។ ប៉ុន្តែមិនថាយ៉ាងណា ពួកគេក៏បានសរសើរ ក៏ដូចជាបង្ហាញពីអារម្មណ៍ស្រលាញ់ ទៅកាន់ឆ្កែដ៏សែនឆ្លាតមួយក្បាលនោះផងដែរ។

ម្ចាស់ប្រើឆ្កែឲ្យពាំកាបូប

គួរឲ្យដឹងផងដែរថា Rottweiler ត្រូវបានគេស្គាល់ថា គឺជាពូជឆ្កែចិញ្ចឹម ដែលមានភាពស្មោះត្រង់ ក្លាហាន និងមានកម្លាំង ដែលមនុស្សចម្លែកមុខល្មមៗអាចនឹងត្រូវចង្កូមរបស់វាបាន។ ដូច្នេះការចិញ្ចឹមសត្វឆ្កែប្រភេទនេះ ម្ចាស់អាចនឹងមានសុវត្ថិភាពច្រើន ពេលដើរក្រៅជាមួយវា៕

ទស្សនាវីដេអូខាងក្រោម៖

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]