ភ្នំពេញ៖
ជឿជាក់ថាមានប្រិយមិត្តមិនតិចនោះទេ ស្គាល់ពីតារាចម្រៀងប្រុសលោក មាស សាលី
ដែលជាម្ចាស់បទ«អង្គរក្សបេះដូង» ក្នុងអំឡុងឆ្នាំ២០០៨ ទទួលបានការគាំទ្រខ្លាំងមែនទែន ទៅលើការបកស្រាយបទចម្រៀងរបស់លោក។
បើទោះបីជាក្នុងពេលបច្ចុប្បន្ននេះលោក មាស សាលី បានចាកពីវីថីសិល្បៈផ្អែកចម្រៀងក៏ពិតមែន
តែមានបណ្ដាអ្នកគាំទ្រជាច្រើនតែងនឹករលឹកពីទេពកោសល្យ និងសមត្ថភាពរបស់ខ្លួន
ខ្លាំងដដែល ។
ជាក់ស្ដែង កាលពីពេលថ្មីៗនេះ
គេក៏សង្កេតឃើញមានការចាប់អារម្មណ៍ខ្លាំងក្រោយពីបានឃើញគណនីហ្វេសប៊ុកផ្លូវការរបស់លោក
មាស សាលី បានបង្ហោះរូបភាពជាច្រើន ជាមួយនឹងសកម្មភាពទទួលអាហាថ្ងៃត្រង់ ដោយមានការចូលរួមពីសំណាក់មិត្តភក្តិចាស់ៗ មើលទៅពិតជាមានក្ដីសុខខ្លាំងតែម្ដង។
លើសពីនេះទៅទៀតនោះគេ ក៏សង្កេតឃើញមានវត្តមានមិត្តរួមទ្រនំចាស់ លោក កែវ វាសនា
បានចូលរួមផងដែរ
ធ្វើឲ្យបណ្ដាអ្នកគាំទ្រ មានការភ្ញាក់ផ្អើលយ៉ាងខ្លាំងជាមួយនឹងទំនាក់ទំនងរបស់ពួកគេ
នៅតែមានភាពល្អប្រសើរខ្លាំងដដែល ទោះបីជាលោក មាស សាលី និងតារាចម្រៀងប្រុសលោក កែវ
វាសនា មានភាពមមាញឹកខ្លាំងរៀងៗខ្លួនក៏ដោយ។
ទាំងអស់នេះ ស្ដែងឲ្យឃើញថា លោក កែវ វាសនា និងលោក មាស សាលី នៅតែមានការរាប់អានគ្នា
ជិតស្និទ្ធដដែលធ្វើឲ្យបណ្ដាប្រិយមិត្តលាន់មាត់សរសើរ ទៅលើពួកគេគ្រប់គ្នាតែម្ដង
ក្រោយបានឃើញបែបនេះ៕
តោះដើម្បីជ្រាបច្បាស់ទៅទស្សនារូបភាពទាំងអស់គ្នា៖