ភ្នំពេញ៖ យើងកំពុងតែទទួលបានព័ត៌មានដ៏រំភើបមួយ សម្រាប់អ្នកដែលចូលចិត្តធ្វើដំណើរកម្សាន្តទាំងអស់។ ក្រុមហ៊ុនអាកាសចរណ៍ Vietjet បានប្រកាសពីប្រម៉ូសិនថ្មីចុងក្រោយបំផុតរបស់ខ្លួន ដើម្បីផ្តល់សំបុត្រហោះហើររាប់ម៉ឺនសន្លឹក ដែលមានតម្លៃត្រឹមតែ ០ (សូន្យ) ដុល្លារអាមេរិក សម្រាប់រាល់ផ្លូវហោះហើរទាំងអស់ទូទាំងអាស៊ី ក្នុងនោះរាប់បញ្ចូលទីជើងហោះហើរពីទីក្រុងសៀមរាបទៅកាន់ទីក្រុងហាណូយផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកអ្នកអាចទទួលបានសំបុត្រហោះហើររបស់លោកអ្នកបានអំឡុងរយៈពេល៣ថ្ងៃ ចាប់ពីថ្ងៃទី៨ ដល់ទី១០ ខែតុលា ឆ្នាំ២០១៩ នៅលើគេហទំព័រ www.vietjetair.com ឬតាមរយៈកម្មវិធីដំឡើងលើទូរស័ព្ទ «Vietjet Air» នៅចន្លោះម៉ោង១២ថ្ងៃត្រង់ និងម៉ោង២រសៀល។
សំបុត្រហោះហើរក្នុងប្រម៉ូសិននេះ មានប្រសិទ្ធិភាពសម្រាប់រាល់ផ្លូវហោះហើរអន្តរជាតិទាំងអស់របស់ Vietjet ពោលគឺរវាងប្រទេសវៀតណាម និងកម្ពុជា ជប៉ុន កូរ៉េខាងត្បូង តៃវ៉ាន់ ហុងកុង ឥណ្ឌា ឥណ្ឌូនេស៊ី ថៃ សិង្ហបុរី ម៉ាឡេស៊ី មីយ៉ាន់ម៉ា និងសម្រាប់ផ្លូវហោះហើរនានា ដែលត្រូវបានប្រតិបត្តិដោយក្រុមហ៊ុន Thai Vietjet។ សំបុត្រហោះហើរទាំងអស់មានសុពលភាពសម្រាប់ការធ្វើដំណើរនៅចន្លោះថ្ងៃទី១០ ខែវិច្ឆិកា ឆ្នាំ២០១៩ និងទី៣០ ខែមិថុនា ឆ្នាំ២០២០។
សំបុត្រហោះហើរក្នុងប្រម៉ូសិនទាំងនេះ ក៏អាចរកបាននៅលើទំព័រ Facebook របស់ Vietjet ផងដែរ តាមរយៈ www.facebook.com/vietjetvietnam (ដោយគ្រាន់តែចុចលើប្រអប់ «Booking») ឬតាមរយៈលេខទូរស័ព្ទ +8419001886 និងការិយាល័យលក់សំបុត្រទាំងអស់។ ការទូទាត់ផ្សេងៗ អាចធ្វើឡើងយ៉ាងងាយស្រួលជាមួយនឹងកាតឥណទាន និងឥណពន្ធអន្តរជាតិ។
សរទៈរដូវ គឺជាឱកាសដ៏រ៉ូមែនទិក ជាពេលវេលាដ៏អស្ចារ្យសម្រាប់អ្នកទេសចរណ៍វ័យក្មេងក្នុងការធ្វើដំណើរ និងជាពេលក្នុងការទទួលយកបទពិសោធន៍ នូវទស្សនីយភាពដ៏ស្រស់ស្អាតនៃស្លឹកឈើចម្រុះពណ៌ ក៏ដូចជារីករាយជាមួយនឹងអាកាសធាតុដ៏គួរឲ្យពេញចិត្ត ក្នុងប្រទេសជប៉ុន កូរ៉េខាងត្បូង និងកោះតៃវ៉ាន់ និងសាកល្បងអាហារដ៏ឈ្ងុយឆ្ងាញ់តាមដងវិថីនានា ក្នុងប្រទេសថៃ និងសិង្ហបុរី។ ជ្រើសរើសការហោះហើរពីទីក្រុងសៀមរាបទៅកាន់ទីក្រុងហាណូយ និងពីទីក្រុងហាណូយ ទៅកាន់គោលដៅជាច្រើនទូទាំងអាស៊ី។
លោក Nguyen Thanh Son អនុប្រធានក្រុមហ៊ុនអាកាសចរណ៍ Vietjet មានប្រសាសន៍ថា៖
ក្នុងនាមជាក្រុមហ៊ុនអាកាសចរណ៍សម្រាប់ប្រជាពលរដ្ឋ Vietjet តែងតែបើកផ្លូវហោះហើរថ្មីៗ ដើម្បីផ្តល់ឱកាសហោះហើរកាន់តែច្រើនបន្ថែមទៀត ក្នុងតម្លៃដ៏ស័ក្តិសមសម្រាប់គ្រប់គ្នា។ ជាមួយនឹងស្មារតីនៃការផ្តល់ «សុវត្ថិភាព សុភមង្គល តម្លៃសមរម្យ និងទៀងទាត់ពេលវេលា» ដែលជាតម្លៃស្នូលរបស់ខ្លួន ក្រុមហ៊ុនអាកាសចរណ៍ Vietjet បង្កើតបទពិសោធន៍នៃការធ្វើដំណើរប្រកបដោយការចងចាំសម្រាប់អ្នកដំណើរលើយន្តហោះថ្មី ជាមួយកៅអីអង្គុយដ៏មានផាសុខកភាព ជម្រើសនៃអាហារក្តៅៗដ៏ឈ្ងុយឆ្ងាញ់ចំនួន៩មុខ បុគ្គលិករួសរាយរាក់ទាក់ ក៏ជាការផ្តល់ជូនសេវាដ៏គួរឲ្យទាក់ទាញ និងសេវាបន្ថែមជាច្រើនផ្សេងទៀត៕
(*) មិនរាប់បញ្ចូលពន្ធ និងតម្លៃផ្សេងៗ
(**) មិនរាប់បញ្ចូលថ្ងៃឈប់សម្រាកបុណ្យជាតិផ្សេងៗ។
សម្រាប់ព័ត៌មានបន្ថែមសូមចូលទៅកាន់: www.vietjetair.com។