ភ្នំពេញ៖ ជឿជាក់ថា មហាជនរាល់គ្នា ប្រាកដជាបានស្គាល់យ៉ាងច្បាស់ពី លោក ឃុំ ប៉ុណ្ណាដែត ដែលជាស្វាមីរបស់ អ្នកនាង យក់ ថិតរដ្ឋា និងជាអតីតតារាចម្រៀងប្រុស ដ៏មានប្រជាប្រិយភាពមួយរូប កាលពីប៉ុន្មានឆ្នាំមុនមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែ ស្រាប់តែ មួយរយៈក្រោយនេះ លោក ឃុំ ប៉ុណ្ណាដែត បាត់ស្រមោលពី វិស័យសិល្បៈឈឹងតែម្ដង ធ្វើឲ្យហ្វេនៗទាំងអស់ នឹករម្លឹកដល់ រូបលោកគ្រប់គ្នា។
តាមពិតទៅ អតីតតារាចម្រៀងរូបនេះ កំពុងសម្ងំបំពេញភារកិច្ចជា នគរបាល ជាហេតុធ្វើឲ្យលោកមិនសូវបាន ចេញមុខមាត់ប៉ុន្មានទេ ថែមទាំងមានភាពមមាញឹក សឹងតែរកពេលដកឃ្លាមិនរួចទៀតផង។
បន្ថែមពីនេះដែរ បើទោះជា ឃុំ ប៉ុណ្ណាដែត មានមុខងារជានគរបាល ដែលត្រូវឃ្លាតឆ្ងាយពីផ្ទះ និងប្រពន្ធកូនបែបណាក្ដី ក៏ជីវិតគ្រួសាររបស់រូបគេ និងអ្នកនាង យក់ ថិតរដ្ឋា នៅតែមើលទៅប្រកបដោយភាពផ្អែមល្ហែម សុខសុភមង្គល គួរឲ្យសរសើរដដែល៕