ហ្វីលីពីន៖ ដើម្បីសម្អាតបរិស្ថានឲ្យបានស្អាតល្អ អាជ្ញាធរក្នុងទីក្រុង Muntilupa បានចេញវិធានការថ្មីមួយគឺឲ្យប្រជាជន ប្រមូលកាកសំណល់ថង់ផ្លាស្ទិកទៅថ្លឹង ដូរយកអង្ករហូប។ វិធានការនេះត្រូវបានចាប់ផ្ដើមអនុវត្តដំបូងគេនៅក្នុងភូមិ Bayanan។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ការយកកាកសំណល់ថង់ផ្លាស្ទិកទៅថ្លឹង ដូរយកអង្គរហូប គឺធ្វើឡើងដើម្បីលើកទឹកចិត្តប្រជាជនទាំងអស់ឲ្យមានកម្លាំងចិត្តក្នុងការចូលរួមសម្អាតបរិស្ថាននៅក្នុងភូមិ។ អាជ្ញាធរនឹងផ្ដល់ជូនអង្ករចំនួន១គីឡូក្រាម ជាថ្នូរនឹងការដូរយកកាកសំណល់ថង់ផ្លាស្ទិកចំនួន២គីឡូក្រាមពីប្រជាជន។
ស្ត្រីម្នាក់ជាប្រជាជននៅក្នុងភូមិបាននិយាយថា៖
ប្រភពបានបន្ដថា មកទល់ពេលនេះ កាកសំណល់ថង់ផ្លាស្ទិកដែលប្រមូលបានមានចំនួន ២១៣គីឡូក្រាម។ សម្រាប់កាកសំណល់ថង់ផ្លាស្ទិកទាំងអស់នឹងត្រូវយកទៅដុតចោលឬកែច្នៃជាដើម។
យ៉ាងណាមិញ ក្រោយពីប្រជាជនចូលរួមយ៉ាងសកម្មរួចមក អាជ្ញាធរនឹងអនុវត្តវិធានការនេះបន្ដទៀត នៅតាមបណ្ដាខេត្តក្រុងនាៗក្នុងប្រទេសហ្វីលីពីន៕
សូមទស្សនាវីដេអូខាងក្រោម៖