ពុទ្ធោ! ផ្ទៃមេឃនៅក្នុងប្រទេសឥណ្ឌូនេស៊ី ប្រែទៅជាពណ៌ក្រហម ដោយសារតែអ័ព្ទពុលដែលបណ្ដាលមកពីភ្លើងឆេះព្រៃ (មានវីដេអូ)

ឥណ្ឌូនេស៊ី៖ កាលពីថ្ងៃទី២១ ខែកញ្ញា ឆ្នាំ២០១៩កន្លងទៅនេះ វីដេអូនិងរូបភាពមួយចំនួនត្រូវបានបង្ហោះនៅលើបណ្ដាញសង្គមដែលបង្ហាញពីផ្ទៃមេឃពណ៌ក្រហមឆេះ គ្របដណ្ដប់ខេត្ត Muaro Jambi ប្រទេសឥណ្ឌូនេស៊ី។

ដំបូងឡើយ វីដេអូនិងរូបភាពទាំងនោះមើលទៅសឹងតែមិនគួឲ្យជឿ ប៉ុន្ដែក្រោយពីមហាជនជាច្រើនបានបង្ហោះរូបភាពដែលមានផ្ទៃមេឃក្រហម នៅទីតាំងខុសៗគ្នារួចមក ទើបបញ្ជាក់ថានោះគឺជាការពិត។

ប្រភពបានឲ្យដឹងថា ផ្ទៃមេឃគ្របដណ្ដប់ដោយផ្សែងអ័ព្ទពណ៌ក្រហម ដោយសារភ្លើងឆេះព្រៃនៅជិតតំបន់នោះ។ ចំណែកផេះត្រូវបានហោះចូលទៅក្នុងផ្ទះរបស់ប្រជាជនផងដែរ។ ប្រជាជនមួយចំនួនមិនហ៊ានសូម្បីតែចេញទៅខាងក្រៅផ្ទះ ដោយសារតែបាតុភូតមួយនេះ។

យ៉ាងណាមិញ ខាងឧតុនិយមបានប្រកាសប្រាប់ថា ដើម្បីបំបាត់ផ្ទៃមេឃពណ៌ក្រហមទៅជាធម្មតាឡើងវិញ លុះត្រាតែមានខ្យល់បក់ខ្លាំង និងមានភ្លៀងធ្លាក់ជាដើម៕

សូមទស្សនារូបភាពបន្ថែមនិងវីដេអូខាងក្រោម៖