អង់គ្លេស៖ អតីតអ្នកចាត់ការទូទៅរបស់ក្រុមបិសាចក្រហម Manchester United លោក Jose Mourinho ជឿជាក់ថាក្រុម Man Utd មិនអាចប្រជែងជាមួយក្រុម Liverpool និង Man City បានទេក្នុងរដូវកាលនេះដោយលោកគិតថាក្រុម Manchester United អាចនឹងបញ្ចប់ទៅក្នុងចំណាត់ថ្នាក់ចន្លោះពីលេខ៤ទៅលេខ៦ ក្នុងក្របខណ្ឌ Premier League រដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សManchester United បានបញ្ចប់ក្នុងចំណាត់ថ្នាក់លេខ៦កាលពីរដូវកាលមុនដោយពួកគេមិនមានឱកាសបានលេង Champions League នោះទេ គឺបានត្រឹមលេងនៅព្រឹត្តិការណ៍ Europa League តែប៉ុណ្ណោះ។
លោក Ole Gunnar Solskjaer កំពុងរងសម្ពាធពីការដឹកនាំក្លិបអោយបានវិលត្រឡប់ទៅលេងក្នុងក្របខណ្ឌ Champions league វិញនៅរដូវកាលនេះ ប៉ុន្តែស្ថានភាពរបស់ Manchester United នាពេលឥលូវនេះមានភាពយ៉ាប់យ៉ឺនមែនទែនដោយ៦ប្រកួតកន្លងទៅនេះពួកគេរកបាន៨ពិន្ទុតែប៉ុណ្ណោះឈរក្នុងចំណាត់ថ្នាក់លេខ៨។
លោក Mourinho និយាយក្នុងទូរទស្សន៍ Sky Sports ថា៖
"ខ្ញុំគិតថាវាពិតជាមានសារៈសំខាន់ណាស់ពេលដែលមានគោលដៅច្បាស់លាស់សម្រាប់អ្នករាល់គ្នា។ តើគោលបំណងរបស់ក្លិបចង់បានអ្វីខ្លះ? "
លោក Mourinho បានបន្តទៀតថា៖
"បើមើលពីសំបកក្រៅខ្ញុំគិតថាពួកគេ(Man Utd) នឹងបញ្ចប់ទៅក្នុងចំណាត់ថ្នាក់ចន្លោះលេខ៤ទៅលេខ៦។ ខ្ញុំគិតថាវាជាភាពជោគជ័យមួយប្រសិនបើពួកគេបញ្ចប់ទៅក្នុងចំណាត់ក្រុមកំពូលទាំង៤ ហើយវិលទៅលេង Champions League វិញ៕"
ប្រភព៖ Mirror
Bong I.T