Marie និង Gun ចេញមុខបកស្រាយ ក្រោយធ្លាយដំណឹងបែកគ្នា ដោយសារពួកគេបិទគណនីអ៊ីនស្ដារក្រាម

ថៃ៖ នាពេលថ្មីៗនេះ គូស្នេហ៍តារាសម្ដែងដ៏ផ្អែម​ល្ហែមគឺ លោក Gun និង​ កញ្ញា Marie បានធ្វើឲ្យមហាជន និងអ្នកគាំទ្រ មានការភ្ញាក់ផ្អើលជាខ្លាំង បន្ទាប់ពី Marie បានបិទគណនីអ៊ីនស្តាក្រាមរបស់ខ្លួន។

ជាមួយនឹងការបិទគណនីអ៊ីនស្តាក្រាមរបស់ខ្លួននេះដែរ តារាស្រី កញ្ញា Marie បានធ្វើឲ្យគ្រប់គ្នាមានការសង្ស័យថានាង និងតារាប្រុស លោក Gun ប្រហែលជាមានបញ្ហានឹងគ្នា ឫក៏អាចឈានដល់ការចែកផ្លូវគ្នាផងដែរ។

យ៉ាងណាមិញ យោងតាមការផ្ដល់កិច្ចសម្ភាសន៍ កាលពីថ្ងៃម្សិលមិញ គូស្នេហ៍តារាសម្ដែងមួយគូនេះ ក៏បានសារភាពថាពួកគេពិតជាមានជម្លោះនឹងគ្នាខ្លាំងមែន ហើយការបិទគណនីអ៊ីនស្តារក្រាមនេះ ក៏ជាមូលហេតុនៃបញ្ហា ដែលបណ្ដាលឲ្យមានការមិនសប្បាយចិត្តចំពោះគ្នាទៅវិញទៅមកផងដែរ។ 

ហើយរីឯចំពោះមូលហេតុពិតប្រាកដ បណ្ដាលមកពីរឿងអ្វីនោះ គឺលោក Gun និងកញ្ញា Marie សុំឲ្យចាត់ទុកជារឿងផ្ទាល់ខ្លួន ដោយសុំមិនបកស្រាយ ព្រោះពេលនេះពួកគេក៏ត្រូវគ្នាវិញ ហើយក៏មិនមានការបែកបាក់គ្នា ដូចដែលគេសង្ស័យនោះឡើយ៕