អង់គ្លេស៖ កីឡាករ Cristiano Ronaldo បាននិយាយថាគាត់ចង់ឈ្នះពានរង្វាន់ Ballon d’Or ចំនួន ៨ ដងក្នុងអាជីពរបស់គាត់ដើម្បីឈានទៅរកភាពលេចធ្លោរជាងកីឡាករ Lionel Messi។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារាឆ្នើមរបស់ក្រុមសេះបង្កង់ Juventus កីឡាករ Cristiano Ronaldo និងគូរប្រជែងរបស់គាត់កីឡាករ Lionel Messi សុទ្ធតែបានឈ្នះពានរង្វាន់ Ballon d’Or ម្នាក់៥ដងរួចទៅហើយ ដោយកីឡាករទាំង២រូបនេះជាកីឡាករដែលឈ្នះពាន Ballon d’Or ច្រើនជាងគេក្នុងប្រវត្តិសាស្រ្តបាល់ទាត់។
នៅក្នុងកិច្ចសំភាសន៍រវាង Ronaldo និងលោក Piers Morgan ក្នុង ITV កីឡាករវ័យ៣៤ឆ្នាំរូបនេះបានបញ្ជាក់ថា៖
"បើនិយាយអំពីពាន Golden Ball ច្រើនក្នុងប្រវត្តិសាស្រ្ត ខ្ញុំគិតថាខ្ញុំសមនឹងទទួលវា។ Messi គឺជាបុរសអស្ចារ្យនិងជាកីឡាករឆ្នើមម្នាក់ប៉ុន្តែខ្ញុំគិតថាបន្ទាប់ពីខ្ញុំមាន ៦ ឬ ៧ ឬ ៨ បន្ទាប់មកខ្ញុំនឹងឈរនៅលើគាត់។"
Ronaldo បានបន្តទៀតថា៖
"ទំនាក់ទំនងរបស់ខ្ញុំជាមួយគាត់ [Messi] ពួកយើងមិនមែនជាមិត្តភក្តិនៅផ្ទះជាមួយគ្នាទេប៉ុន្តែយើងពួកយើងតែងតែឈរលើឆាកអន្តរជាតិជាមួយគ្នាអស់រយៈពេល ១៥ ឆ្នាំហើយ។ ខ្ញុំមានទំនាក់ទំនងល្អហើយខ្ញុំដឹងថាគាត់ជំរុញខ្ញុំឱ្យក្លាយជាកីឡាករល្អជាងហើយខ្ញុំក៏ជំរុញគាត់ផងដែរ។"
គួររំលឹកផងដែរថា ក្នុងអំឡុងឆ្នាំ២០០៨ ដល់ ឆ្នាំ២០១៧ មានតែ Ronaldo និង Messi ប៉ុណ្ណោះដែលឈ្នះពាន Ballon d’Or នេះ៕
ប្រភព៖ Bleacherreport
Bong I.T