បើហ៊ានតែធ្វើបែបនេះដាក់នាង Lee Hyori នឹងប្រកាសលែងលះភ្លាម ទោះស្រលាញ់ប៉ុណ្ណាក៏ដោយ

កូរ៉េខាងត្បូង ៖ កាលពីពេលថ្មីៗកន្លងទៅនេះ តារាស្រីជើងចាស់ Lee Hyori បានបង្ហាញខ្លួនក្នុងកម្មវិធី You Are My Destiny។

នៅក្នុងកម្មវិធី តារាស្រីរូបនេះបាននិយាយអំពីលក្ខខណ្ឌមួយ ដែលជីវិតអាពាហ៍ពិពាហ៍របស់នាងនិងស្វាមី អាចឈានដល់ការលែងលះ។ Lee Hyori បានអះអាងយ៉ាងម៉ឺងម៉ាត់ថា ប្រសិនបើស្វាមីរបស់នាងទៅលង់ស្នេហ៍ស្រីផ្សេង ឬបោកប្រាស់នាងត្រឹមតែម្ដង នាងនឹងលែងលះជាមួយគេភ្លាម ដោយគ្មានការគិតជាលើកទីពីរឡើយ។

ជាការពិតណាស់ លក្ខខណ្ឌរបស់តារាស្រីរូបនេះ បានធ្វើឲ្យហ្វេនៗកាន់តែចាប់អារម្មណ៍ខ្លាំង ព្រោះតែមួយរយៈក្រោយមកនេះ ដំណឹងនៃការលែងលះគ្នារបស់តារាល្បីៗ បានកើតមានច្រើនដង។​

Lee Hyori បានបន្តប្រយោគចាក់ដោតចិត្តមួយទៀតថា នាងនឹងមិនស្អប់ស្វាមីនោះទេ ទោះបីជាលែងលះគ្នាទៅហើយក៏ដោយ នាងគ្រាន់តែមិនអាចទ្រាំរស់នៅ ជាមួយបុរសដែលមានចិត្តមិនស្មោះតែប៉ុណ្ណោះ៕

ចុះបើជាប្រិយមិត្តវិញ តើយល់យ៉ាងណាដែរចំពោះចំណុចនេះ?

ទស្សនារូបភាពខាងក្រោម ៖