Noon ត្រូវបានគូស្នេហ៍ភេទស្រីដូចគ្នា បានសុំរៀបការចំពោះមុខកូនៗ យ៉ាងរ៉ូមែនទិក

ថៃ៖ ដូចដែលប្រិយមិត្តធ្លាប់បានជ្រាបរួចហើយថា តារាសម្ដែងស្រី អ្នកនាង Noon Daran បានបើកចំហរស្នេហាភេទស្រីដូចគ្នាជាសាធារណៈ ក្រោយពីលែងលះនឹងអតីតស្វាមី មកអស់រយៈជាង១០ឆ្នាំមកហើយផងដែរ។

ដោយឡែក កាលពីពេលថ្មីៗនេះ អ្វីដែលធ្វើឲ្យមហាជនអ្នកគាំទ្រតារាសម្ដែងស្រីជើងចាស់ អ្នកនាង Noon Daran មានក្ដីរំភើបជំនួសនាងជាខ្លាំងនោះ គឺនៅក្នុងដំណើរកម្សាន្ត ទៅកាន់ទឹកដីសមុទ្រភូកេត គូស្នេហ៍ស្រីរបស់តារាស្រីរូបនេះ បានលុតជង្គង់សុំនាងរៀបការ នៅចំពោះមុខកូនប្រុសស្រីទាំងពីររបស់រូបនាងថែមទៀតផង។

ជាមួយនឹងសកម្មភាពដ៏គួរឲ្យច្រណែនមួយនេះ បានធ្វើឲ្យតារាសម្ដែងស្រី អ្នកនាង Noon Daran រំភើបចិត្តជាខ្លាំងរហូតដល់ស្រក់ទឹកភ្នែក ដោយក្នុងនោះក៏ ទទួលបានការចូលរួមសម្ដែងការត្រេកអរពីសំណាក់មហាជន និងមិត្តសិល្បៈជាច្រើនផងដែរ៕