ខួបកំណើតឆ្នាំនេះ ឌួង ហ្សូរីម៉ា ត្រូវក្រុមគ្រួសារ​Surprise នៅឯក្រៅប្រទេស យ៉ាងមានក្តីសុខ

ប្រទេសថៃ៖ បើទោះបីជាតារាសម្ដែងស្រីដ៏មានប្រជាប្រិយភាពកញ្ញា ឌួង ហ្សូរីម៉ា បានស្ងាត់ពីវិស័យសិល្បៈអស់ពេលជាយូរក៏ពិតមែនតែ តារាស្រីរូបនេះ មានភាពមមាញឹកខ្លាំងជាមួយការលក់ទំនិញOnlineរបស់ខ្លួន និងបងស្រីរបស់នាង។
 លើសពីនេះទៅទៀតនោះគឺ តារាស្រីដ៏តូចច្រឡឺងរូបនេះ ក៏ត្រូវបានបណ្ដាអ្នកគាំទ្រមិនតិចនោះទេតែងតែតាមដានរាល់សកម្មភាព របស់ខ្លួន មិនថាជាការរកស៊ីឬ ដំណើរកម្សាន្តដែលបានបង្ហោះនៅលើគណនីហ្វេសប៊ុកផ្លូវការរបស់នាងឡើយ។

ជាក់ស្ដែង កាលពីយប់មិញនេះ គណនីហ្វេសប៊ុកផ្លូវការរបស់កញ្ញា ឌូង ហ្សូរីម៉ា រួមទាំងបងប្អូនស្រីៗ និងម្ដាយក៏បង្ហាញសកម្មភាពជាច្រើន ពីដំណើរកម្សាន្តរបស់ខ្លួន ក្នុងប្រទេសថៃ មើលទៅពិតជាមានក្ដីសុខខ្លាំងតែម្ដង។
 តែអ្វីដែលធ្វើឲ្យទស្សនិកជនទទួលបានការចាប់អារម្មណ៍ជាងនេះទៅទៀតនោះគឺ កញ្ញា ឌួង ហ្សូរីដា ត្រូវជាបងស្រីរបស់កញ្ញា ឌូង ហ្សូរីម៉ា បានរួមគ្នា ធ្វើការSurpriseនំខួបកំណើតទៅកាន់នាង ខណៈពេលដែលកំពុងទទួលទានអាហារពេលល្ងាច អមទេសភាពពេលរាត្រីយ៉ាងទាក់ទាញធ្វើឲ្យកញ្ញា ឌូង ហ្សូរីម៉ា ញញឹមបិទមាត់មិនជិត ជាមួយនឹងសកម្មភាពរបស់ក្រុមគ្រួសារនាង៕
 ដើម្បីជ្រាបច្បាស់ទៅទស្សនារូបភាពទាំងអស់គ្នា៖