ថៃ៖ ប្រិយមិត្តភាគច្រើនប្រាកដជាបានជ្រាបរួចមកហើយថា តារាកំប្លែង និងតារាសម្តែងស្រី Nulek Gaga នាងមានភាពតស៊ូ អត់ធ្មត់ ព្យាយាមយ៉ាងខ្លាំងនៅក្នុងវិស័យសិល្បៈ ទម្រាំតែមានកេរ្តិ៍ល្បីល្បាញដូចសព្វថ្ងៃនេះ។ ដោយកើតនៅក្នុងគ្រួសារដែលមានជីវភាពក្រខ្សត់ Nulekត្រូវឈោងចាប់ក្តីស្រម៉ៃរបស់ខ្លួនឯង នៅក្នុងវិស័យសិល្បៈដោយប្រើទេពកោសល្យ ដែលអំណោយផលពីធម្មជាតិស្រាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែបើប្រៀបធៀបជាមួយបច្ចុប្បន្នវិញឃើញថា ប្រឡូកនៅក្នុងវិស័យសិល្បៈជិត១០ឆ្នាំ ជីវិតរបស់នាងមានភាពប្រសើរឡើងខ្លាំង ស្ទើរតែនឹកស្មានមិនដល់។ ដោយពីមុនធ្លាប់ជាមនុស្សម្នាក់ដែលរស់នៅក្នុងផ្ទះឈើតូច ប្រែមករស់នៅក្នុងផ្ទះវិឡាធំស្កឹមស្កៃ មានរថយន្តទំនើបជិះ ទោះមិនបាច់រៀបរាប់ច្រើនក៏ដឹងដែរថា នាងរកបានចំណូលប៉ុណ្ណាពីវិស័យសិល្បៈ។
លើសពីនេះទៅទៀត មិនត្រឹមតែមានផ្ទះធំទ្រនំខ្ពស់រស់នៅតែមួយមុខទេ ប៉ុន្តែនាងថែមទាំងមានស្វាមីដែលចេះយល់ចិត្ត និងមានកូនប្រុសម្នាក់ដ៏គួរឲ្យស្រលាញ់ទៀតផង។ និយាយរួមទៅជីវិតរបស់នាងនៅពេលនេះ គឺមានក្តីសុខខ្លាំង ដែលអ្នកណាៗក៏ប្រាថ្នាចង់បានជីវិតបែបនេះដែរ៕
សូមទស្សនារូពភាពខាងក្រោម៖