ទឹកចិត្តអ្នកកំប្លែងដូចគ្នា! នាយ ចយ និងភរិយា ទទួលបានភាពកក់ក្ដៅយ៉ាងខ្លាំង ពីក្រុមគ្រួសារនាយ ក្រឹម អំឡុងពេលឆ្លងទន្លេ

ភ្នំពេញ៖ ក្រោយពីតារាកំប្លែងនាយ ចយ បានបង្ហោះរូបភាពជាច្រើនពីសកម្មភាពប្រពន្ធរបស់ខ្លួនបានសម្រាលកូនប្រុសមួយឡើងគួរឲ្យស្រលាញ់ នៅលើបណ្ដាញសង្គម ធ្វើឲ្យមហាជនមានការភ្ញាក់ផ្អើលយ៉ាងខ្លាំង ពេលបានឃើញបែបនេះ។

លើសពីនេះទៅទៀតនោះនាយ និងភរិយា ក៏បានដាក់ឈ្មោះ ឲ្យកូនប្រុសរបស់ខ្លួនដែលមានមុខមាត់គួរស្រលាញ់នោះថា « ភិច ណាឃីន» ធ្វើឲ្យបណ្ដាសិល្បករ សិល្បការិនី នៅក្នុងសង្គមសិល្បៈបានបង្ហាញអារម្មណ៍សប្បាយរីករាយទៅកាន់នាយ ចយ និងភរិយា ថែមទៀតផង។

តែអ្វីដែលមានការចាប់អារម្មណ៍ខ្លាំងជាងនេះទៅទៀតនោះគឺ ក្រុមគ្រួសាររបស់តារាកំប្លែងចាស់វស្សាលោក អ៊ូ ប៊ុណ្ណារ៉ាត់ ហៅនាយ ក្រឹម បានទៅសួរសុខទុក្ខ និងផ្ដល់ភាពកក់ក្ដៅទៅកាន់ប្រពន្ធនាយ ចយ ទៅដល់ក្នុងមន្ទីរពេទ្យ ទាំងដែលទើបសម្រាលកូន ហើយថ្មីៗតែម្ដង ជាមួយនឹងទឹកមុខស្រស់ស្រាយគ្រប់ៗគ្នា។

ទាំងអស់នេះហើយ ស្តែងឲ្យឃើញថាទឹកចិត្តមិត្តរួមក្រុមតែមួយ ពិតជាស្រលាញ់និងយកចិត្តទុក្ខដាក់គ្នាទៅវិញទៅមកគ្រប់ពេល មិនថាជារឿងទុក្ខលំបាក ឬសើចសប្បាយនោះទេ តែងតែនៅជិតគ្នាតែម្ដង៕

តោះដើម្បីជ្រាបច្បាស់ទៅទស្សនារូបភាពទាំងអស់គ្នា៖