អង់គ្លេស៖ Liverpool ត្រូវបានគេរាយការណ៍មកថាបានចូលខ្លួនប្រជែងជាមួយ Real Madrid និង Barcelona ក្នុងការនាំយកខ្សែម្រើរបស់ Napoli កីឡាករ Fabian Ruiz សម្រាប់ទីផ្សារដោះដូរកីឡាកររដូវក្ដៅ រដូវកាលក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើជម្រើសជាតិអេស្ប៉ាញ Ruiz បានមកចូលរួមជាមួយ Napili កាលពីរដូវកាលមុន ក្រោយផ្លាស់មកពីក្លិប Real Betis ខណៈគេនិង Napoli នៅសល់កិច្ចសន្យាកុងត្រារយៈពេល ៤ឆ្នាំទៀត។
ក្រោយទទួលបានដំណឹងការចង់បានពីសំណាក់ក្លិបអេស្ប៉ាញទាំងពីរ Napoli បានឆ្លើយតបវិញថាខ្សែបម្រើវ័យ ២៣ឆ្នាំរូបនេះមិនមែនសម្រាប់លក់នោះទេ។
បន្ថែមលើសពីនេះ បើតាមប្រភពពីសារព័ត៌មាន Calciomercato ម្ចាស់ជើងឯក UEFA Champions League រដូវកាលមុនហង្សក្រហម Liverpool ក៏បានដាក់ការចាប់អារម្មណ៍មកលើ Ruiz ផងដែរ។
សូមបញ្ជាក់ផងដែរថា កាលពីរដូវកាលមុន Ruiz ចូលលេងឲ្យ Napoli បានចំនួន ៤០ប្រកួត ដោយអាចរកគ្រាប់បាល់បាន ៧គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច ៣ដង៕
ប្រភព៖ SportsMole