ភ្នំពេញ៖ នៅក្នុងទីផ្សារស្រុកខ្មែរ ត្រូវការប្រកួតប្រជែងគ្នាខ្លាំង ដូច្នេះហើយ នៅពេលពួកគេបង្កើតរបរ ឬក្រុមហ៊ុនអ្វីមួយ អ្វីដែលត្រូវការ គឺការផ្សព្វផ្សាយទូលំទូលាយ ពីសារព័ត៌មាននានា។ ហើយជាពិសេស តារាៗ ក៏ជាចំណែកមួយ ដែលបណ្តាផលិតផលនីមួយៗត្រូវការផងដែរ ដើម្បីឲ្យរបស់ពួកគេ ឆាប់សុះសាយទៅដល់ក្រសែភ្នែកមហាជន បានលឿន។

ក្នុងនោះ ដូចជាខាងសម្អាងការក៏ដោយ ក៏ត្រូវ តារាស្អាតៗ មកប្រម៉ូតថតឲ្យដែរ ដើម្បីឲ្យសម្អាងការរបស់ពួកគេ ងាយជ្រាបដល់ កូនក្រមុំៗ ដែលចង់រៀបការ នៅពេលខាងមុខ។

ចុះតើប្រិយមិត្ត ចាប់អារម្មណ៍ដែរទេ ថាហេតុអ្វី ម្ចាស់សម្អាងការភាគច្រើន តែងតែយកតួដដែល ខណៈតារាស្រីជាច្រើន កំពុងតែប្រឡូកក្នុងវិស័យនេះ?

បើតាមសម្តីម្ចាស់សម្អាងការមួយ បានបង្ហើបប្រាប់ខ្មែរឡូតថា មូលហេតុដែលពួកគេ ជ្រើសរើស តារាដដែលៗ ហើយសុទ្ធតែមានតម្លៃខ្លួនខ្ពស់ តែពួកគេ នៅតែចង់បានតារាទាំងនោះ មកថត ក៏ព្រោះតែតារាៗ មានចរិតល្អ មានសមត្ថភាព ទទួលខុសត្រូវលើការងារខ្លាំង មិនរអ៊ូរទាំ ដូចដឹងស្រាប់ហើយថា ថតសម្អាងការម្តងៗ ហត់នឿយណាស់ ហើយឈុតនីមួយៗ មានលក្ខណៈធ្ងន់ ជាមួយនឹងការប៉ាក់ឌិនជាច្រើន និងគ្រឿងតុបតែងខ្លួន បែបជាប្រាក់។​

នេះហើយជាហេតុផល ដែលពួកគេ យកអ្នកដដែល មិនជ្រើសរើស តារាថ្មី ទោះមានមុខមាត់ស្រស់ស្អាតជាង តារាចាស់ៗក៏ដោយ។ មិនតែប៉ុណ្ណោះ តារាទាំងនោះ សុទ្ធតែ គោរពពេលវេលា មិនឲ្យក្រុមការងារ ខកចិត្ត ងាយស្រួលធ្វើការជាមួយ ដូច្នេះហើយ ទើបពួកគេ តែងយក តារាដែលពួកគេ គិតថាល្អ មកថតជាញឹកញាប់ ទោះតម្លៃខ្លួន ថ្លៃប៉ុណ្ណា ដែលតម្លៃខ្លួនថតម្តងៗ  ចាប់​ពី១,៥០០ដុល្លារ ឡើងទៅ ហើយក៏មានតារាខ្លះ លោតទៅដល់ ៣ពាន់ដុល្លារក៏មានដែរ៕

រូបតំណាង
រូបតំណាង
រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]