បរទេស៖ បច្ចុប្បន្ននេះទំនាក់ទំនងលើសពីមិត្តភក្តិរវាង តារាចម្រៀងប្រុសរូបសង្ហា Shawn Mendes និង តារាចម្រៀងស្រីរាងតូចច្រឡឹង Camila Cabello កាន់តែទទួលបានការចាប់អារម្មណ៍យ៉ាងខ្លាំង ពីសំណាក់ប្រិយមិត្តទស្សនិកជនទូទាំងពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មួយរយៈចុងក្រោយនេះ គេតែងសង្កេតឃើញថា អ្នកទាំងពីរតែងតែបង្ហាញភាពស្និទ្ធស្នាលកៀកកើយស្អិតរមួតនឹងគ្នា ជាសាធារណៈដោយមិនមានការលាក់បាំងអ្វីឡើយ ដែលវាកាន់តែធ្វើឲ្យមហាជនមិនគិតមិនបាន ពីទំនាក់ទំនងលើសពីមិត្តភក្តិរបស់អ្នកទាំងពីរយ៉ាងប្រាកដណាស់។
ដោយឡែក មិនថាយ៉ាងណា នៅថ្ងៃនេះផងដែរ ការសង្ស័យរបស់អ្នកគាំទ្រប៉ុន្មាន ក៏ត្រូវបានបញ្ចប់ទៅវិញ បន្ទាប់ពីតារាចម្រៀងប្រុសShawn Mendes បានបង្ហោះនូវវីដេអូថើបមាត់គ្នាយ៉ាងស៊ីអារម្មណ៍មួយ ជាមួយនឹង Camila នៅលើគណនីផ្ទាល់ខ្លួនរបស់លោកតែម្តង។
តួយ៉ាង ក្រោយពីវីដេអូនេះត្រូវបានបង្ហោះទៅ បានធ្វើឲ្យប្រិយមិត្តគាំទ្រស្ទើរទូទាំងពិភពលោក ក៏ដូចជាមិត្តភក្តិរួមសិល្បៈរបស់អ្នកទាំងពីរ រំភើបចិត្តជាខ្លាំង និងថែមទាំងបានសម្តែងការអបអរចំពោះអ្នកទាំងពីរផងដែរ៕