ខេត្តស្ទឹងត្រែង ៖ បើតាមសេចក្តីរាយការណ៍បឋមឲ្យដឹងថា បុរសម្នាក់ត្រូវបានកម្លាំងសមត្ថកិច្ចនគរបាលប៉ុស្តិ៍រដ្ឋបាលឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង ធ្វើការឃាត់ខ្លួនកាលពីថ្ងៃទី៩ ខែកញ្ញា ឆ្នាំ ២០១៩ ដោយជាប់ពាក់ព័ន្ធលើការចោទប្រកាន់ពីបទ រួមភេទជាមួយអនីតិជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីរាយការណ៍បន្តថា បុរសរូបនោះឈ្មោះ ហ៊ាម ហ៊ុយ អាយុ៣១ឆ្នាំ រស់នៅភូមិ-ឃុំខាងលើ ចំណែកជនរងគ្រោះអាយុ១៤ឆ្នាំ ។
សេចក្តីរាយការណ៍បន្តទៀតថា មុនពេលកើតហេតុ នៅថ្ងៃទី៧ កញ្ញា បុរសនិងនារីទាំង២នាក់កំពុងសាសងស្នេហាគ្នានៅក្នុងបន្ទប់ (ផ្ទះខាងស្រី) ស្របពេលនោះឪពុកម្តាយខាងស្រីទៅគោះទ្វារបន្ទប់ ក៏ឃើញពួកគេទាំងពីរកំពុងតេល្អូកល្អិនជាមួយគ្នា ដោយឃើញដូច្នោះឪពុកម្តាយខាងស្រីចាប់ផ្តើមឆោឡោ ប៉ុន្តែមិនទាន់ប្តឹងសមត្ថកិច្ចឲ្យចាប់ខ្លួនបុរសនោះភ្លាមទេ ។ លុះដល់ថ្ងៃទី៩ ខែកញ្ញា ទើបអាណាព្យាបាលខាងលើប្តឹងសមត្ថកិច្ចនគរបាលប៉ុស្តិ៍ ឲ្យធ្វើការឃាត់ខ្លួនបុរសនោះ ដើម្បីចាត់ការតាមផ្លូវច្បាប់ ។
ដូច្នេះហើយបុរសដែលជាជនសង្ស័យត្រូវបានរងនូវពាក្យបណ្តឹងចោទប្រកាន់ពីបទរួមភេទជាមួយអនីតិជន ហើយសមត្ថកិច្ចបានកសាងសំណុំរឿងបញ្ជូនបុរសរូបនេះ ទៅសាលាដំបូងតាមនីតិវិធីដើម្បីចាត់ការតាមច្បាប់។
ប្រភព៖ កោះសន្តិភាព