មង្គលការរបស់ ស៊ឹម សូលីកា និង អេង រិទ្ធី យប់មិញ ធ្វើឡើងយ៉ាងអធិកអធម ផ្អើលអស់តារា

ភ្នំពេញ៖ ក្រោយពីតារាសម្ដែងស្រី និងជាពិធីការិនីដ៏មានប្រជាប្រិយភាពអ្នកនាង ស៊ឹម សូលីកា និងលោក អេង រិទ្ធី បានកាន់ដៃគ្នាចូលរោងជ័យកាលពីម្សិលមិញនេះ បន្ទាប់ពីបានស្វែងយល់ចិត្តគ្នាអស់រយៈពេលជាច្រើនឆ្នាំនោះ ធ្វើឲ្យមហាជនមានការភ្ញាក់ផ្អើលខ្លាំងមែនទែនជាមួយនឹងដំណឹងមួយនេះ ។

លើសពីនេះទៅទៀតនោះ អ្វីដែលមានការចាប់អារម្មណ៍ខ្លាំងជាងនេះនោះគឺ កម្មវិធីមង្គលការរបស់អ្នកនាង ស៊ឹម សូលីកា និង អេង រិទ្ធី បានប្រារព្ធឡើងទៅរលូនមើលទៅអធិកអធមខ្លាំងតែម្ដង។

ជាក់ស្ដែង កាលពីយប់នេះបើការបង្ហោះរូបភាពជាច្រើនរបស់តារាៗប្រុស ស្រី នៅលើបណ្ដាញសង្គមហ្វេសប៊ុក គេសង្កេតឃើញមានវត្តមានរបស់សិល្បករ សិល្បការិនី លេចមុខក្នុងពិធីអាពាហ៍ពិពាហ៍របស់អ្នកនាង ស៊ឹម សូលីកា និងលោក អេង រិទ្ធី ជាច្រើនដួងមិនថាជាតារាសម្ដែង តារាម៉ូដែល ឬ តារាចម្រៀងនោះទេសុទ្ធតែមានវត្តមានទាំងអស់។

យ៉ាងណាមិញ ក្រោយពីបានឃើញបែបនេះ គេសង្កេតមានបណ្ដាអ្នកគាំទ្រជាច្រើនសម្ដែងអារម្មណ៍រំភើបនិងពាក្យជូនពរទៅកាន់អ្នកនាង ស៊ឹម សូលីកា ស្ទើរតែគ្រប់គ្នា។

គួរឲ្យដឹងផងដែរ នេះជាលើកទីពីរហើយ ដែលតារាសម្ដែងស្រី និងជាពិធីការិនីរូបស្រស់អ្នកនាង ស៊ឹម សូលីកា បានរៀបអាពាហ៍ពិពាហ៍ ក្នុងឆាកជីវិតរបស់ខ្លួន ទោះបីជាមានកូនធំៗក៏ដោយ៕

តោះដើម្បីជ្រាបច្បាស់ទៅទស្សនាទាំងអស់គ្នា៖