ភ្នំពេញ៖ Grab (ហ្គ្រេប) ដែលជាកម្មវិធីហៅយាន្តជំនិះលើទូរស័ព្ទដៃឈាន មុខគេនៅក្នុងប្រទេសកម្ពុជា នឹងបន្តការប្ដេជ្ញាចិត្តរបស់ខ្លួនទៅលើមុខងារសុវត្ថិភាព ជាមួយការដាក់ឲ្យដំណើរការ កម្មវិធីមជ្ឈមណ្ឌលសុវត្ថិភាពសម្រាប់អ្នកដំណើរ (Passenger Saftety Centre) ក្នុងកម្មវិធីទូរស័ព្ទដៃនាពេលខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយនឹងមុខងារថ្មីបំផុតនេះ អ្នកដំណើរនឹងអាចចែករំលែកព័ត៌មានលម្អិតអំពីការជិះ និងទីតាំង បច្ចុប្បន្នរបស់ខ្លួន ហើយអ្នកធ្វើដំណើរអាចចូលទៅកាន់មជ្ឈមណ្ឌលផ្ដល់ជំនួយ ក៏ដូចជាអាចផ្ញើសារជូនដំណឹងទៅដល់អ្នកណាម្នាក់ សម្រាប់ធ្វើការទំនាក់ទំនងបន្ទាន់របស់ពួកគេផងដែរ។
កម្មវិធីថ្មីនេះធ្វើឡើងបន្ទាប់ពី Grab បានណែនាំមុខងារនៃកម្មវិធីស្រដៀងគ្នាក្នុងកម្មវិធីលើទូរស័ព្ទដៃសម្រាប់ដៃគូបើកបររបស់ខ្លួនកាលពីដើមឆ្នាំនេះ ដែលដៃគូរបើកបរអាចចែករំលែកទីតាំងរបស់ ពួកគាត់ ឬធ្វើការទំនាក់ទំនងជំនួយបន្ទាន់ដោយផ្ទាល់ពីកម្មវិធីរបស់ពួកគាត់។
លោក Hashim Alkaff នាយកក្រុមហ៊ុន Grab ប្រចាំប្រទេសកម្ពុជាបានមានប្រសាសន៍ថា៖
លក្ខណៈពិសេសរបស់កម្មវិធីថ្មីនេះ គឺជាការបន្ថែមលើមុខងារសុវត្ថិភាពដែលមានស្រាប់ជាច្រើន ដែល Grab បានអនុវត្តរួចមកហើយ ដូចជាការបណ្តុះបណ្តាល និងពង្រឹងសមត្ថភាពឡើងវិញដល់ដៃគូបើកបរ ការត្រួតពិនិត្យលើគំរូនៃការបើកបរ ក៏ដូចជាការធានារ៉ាប់រងគ្រោះថ្នាក់បុគ្គលសម្រាប់ទាំងអ្នកដំណើរ និងអ្នកបើកបរក្នុងអំឡុងពេលធ្វើដំណើរជាមួយ Grab។
បើទោះបីជាទើបតែបានប្រតិបត្តិការនៅក្នុងប្រទេសកម្ពុជាអស់រយៈពេលតិចជាង២ឆ្នាំក៏ដោយ Grab មានភាពជោគជ័យយ៉ាងខ្លាំង និងនាំមុខគេទាំងផ្នែកសុវត្ថិភាពសម្រាប់អ្នកដំណើរ និងអ្នកបើកបរ នៅក្នុងទីផ្សារដែលមានការប្រកួតប្រជែងខ្ពស់មួយនេះ។
មជ្ឈមណ្ឌលសុវត្ថិភាពសម្រាប់អ្នកដំណើរក្នុងកម្មវិធីរបស់ Grab ត្រូវបានរំពឹងថានឹងអាចប្រើប្រាស់បានទាំងអស់គ្នានៅចុងខែនេះ៕