បុរសអាស៊ីម្នាក់តស៊ូជម្នះរឿងគ្រប់យ៉ាង រហូតដល់ចុងក្រោយឪពុក ព្រមទទួលស្គាល់សង្សារអាហ្រ្វិករបស់គេធ្វើជាកូនប្រសារ

បរទេស៖ ពាក្យចាស់លោកពោលថា ស្នេហ៍ពិតមិនប្រកាន់ពូជសាសន៍ ពណ៌សម្បុរ សាសនានោះទេ។ ពាក្យនេះពិតជាត្រឹមត្រូវណាស់។ ជាក់ស្តែងសព្វថ្ងៃនេះ ពិភពលោកពិតជាធំធេងសម្រាប់យើង ពោលគឺ មនុស្សគ្រប់ជាតិសាសន៍ក៏អាចនឹងមានស្នេហាជាមួយគ្នា គឺជារឿងដែលចៀសមិនផុតនោះទេ។

ជាក់ស្តែងមានបុរសម្នាក់ ខំតស៊ូជម្នះរឿងគ្រប់យ៉ាង រហូតដល់ចុងក្រោយឪពុករបស់គេ ព្រមទទួលស្គាល់សង្សារគេដែលជានារីជនជាតិអាហ្រ្វិកធ្វើជាកូនប្រសា កំពុងតែធ្វើឱ្យមហាជនជាច្រើនមានចិត្តរំភើបជាខ្លាំង។

យោងតាមប្រភពបានឱ្យដឹងថា បុរសម្នាក់នេះមានឈ្មោះ Clarence Tan ជាជនជាតិហុងកុងកាត់សិង្ហបុរី ដែលរស់នៅក្នុងសហរដ្ឋអាមេរិក។ ថ្មីៗនេះលោកបានរៀបការជាមួយមិត្តស្រីខ្លួនគឺអ្នកនាង Edna ដែលជានារីស្បែកខ្មៅមកពីប្រទេសហ្គាណា នៅអាហ្វ្រិកខាងលិច។

លោក Tan បានរៀបរាប់ពីរឿងស្នេហារបស់លោកថា៖

លោក Tan បានបន្ថែមទៀតថា៖

មូលហេតុដែលឪពុកខ្ញុំមិនទទួលស្គាល់ Edna គឺថា គាត់បារម្ភថាវប្បធម៌ខុសគ្នា គឺមិនល្អសម្រាប់អាពាហ៍ពិពាហ៍ និងមានផលលំបាកច្រើន។

យ៉ាងណាមិញ លោក Tan បានបន្តនិយាយទៀតថា៖

ព្រោះតែមូលហេតុបែបនេះ លោក Tan និង Edna តែងតែឈ្លោះគ្នាជាញឹកញាប់ ហើយលោក Tan តែងតែហៅ Edna ទៅលេងផ្ទះឪពុកម្តាយគេជាញឹកញាប់ ដោយគេបានកុហក Edna ថា ឪពុកម្តាយគេបានអញ្ជើញនាងទៅលេងផ្ទះ។

ដល់យូរៗទៅ ឪពុកម្តាយលោក Tan ក៏ចាប់ផ្តើមចូលចិត្ត Edna បន្តិចម្តងៗថា នាងជាមនុស្សចិត្តល្អ ឆ្លាត ឧស្សាហ៍ និងមានសុជីវធម៌ក្នុងខ្លួន។

លោក Tan បាននិយាយទៀតថា៖

លោក Tan បាននិយាយបន្ថែមទៀតថា វាពិតជាលំបាកពិតមែន ប៉ុន្តែវាពិតជាសាកសមទៅនឹងតម្លៃនៃការតស៊ូជម្នះដើម្បីស្រលាញ់ Edna។

យ៉ាងណាមិញ រឿងរ៉ាវស្នេហារបស់លោក Tan និងអ្នកនាង Edna បានធ្វើឱ្យអ្នកប្រើប្រាស់អ៊ីនធើណេតជាច្រើនមានការរំភើប និងក្តុកក្តួលជាខ្លាំង។

ដូច្នេះ សម្រាប់ប្រិយមិត្តដែលកំពុងតែជួបឧបសគ្គស្នេហ៍ សូមកុំបោះបង់មនុស្សដែលយើងស្រលាញ់ចោលនៅពាក់កណ្តាលទី ហើយត្រូវតស៊ូជម្នះរាល់ឧបសគ្គទាំងឡើយ ដើម្បីមនុស្សដែលយើងស្រលាញ់ដ៏ពិតប្រាកដ៕