​ភ្នំពេញ៖ 5G គឺជា​បច្ចេកវិទ្យា​ទូរស័ព្ទ​ជំនាន់​ទី៥ វា​ត្រូវបាន​ឌីហ្សាញ​ឡើង​ដើម្បី​បង្កើន​អានុភាព​ល្បឿន​ កាត់​បន្ថយ​វេលា​​រង់​ចាំ ពេល​​កំពុង​ដំណើរប្រតិបត្ដិការ​ និង​ភាព​ប៉ិន​ប្រសព្វ​លើ​សេវាកម្ម​អ៊ីនធឺណិត​ឥត​ខ្សែ​។ បច្ចេក​វិទ្យា 5G មាន​ល្បឿន​លឿន​បំផុត​ (រហូត​ដល់ 1.6 ជីហ្គាបៃ ដែល​លឿន​ជាង​បច្ចេកវិទ្យា​ជំនាន់​ទី ៤ ឬ 4G 20ដង​)។ 5G ក៏​នឹង​កាត់​បន្ថយ​វេលា​រង់​ចាំ​ពេល​ប្រតិបត្ដិការ​ ដែល​អាច​បង្កើន​សមត្ថភាព​លើ​មុខ​ងារ​ជំនួញ ព្រមទាំងបទពិសោធ​ន៍ឌីជីថល​ដទៃ​ទៀត​ (ដូចជាការ​លេង​ហ្គេម​អនឡាញ សន្និសីទវីដេអូ​ និង​រថយន្ដ​បើកបរ​ស្វ័យ​ប្រវត្ដិ​ជាដើម​)​។

បច្ចេកវិទ្យា 5G របស់មិត្តហ្វូន

ចំពោះ​ការ​ប្រៀប​ធៀប​ជាមួយ 4G បច្ចេកវិទ្យា 5G អាច​ផ្ដល់សេវាកម្ម​ជូន​អ្នក​ប្រើ​ប្រាស់​ ១០០ ដង​លើស​បច្ចេកវិទ្យា​ជំនាន់​ទី៤​។ លើស​ពី​នេះ ល្បឿន​ដោនឡូត​អាច​កើន​ជាង ១៨០០ ដង​លើស​ 4G ហើយ​ចំពោះ​​​ភាព​ដែល​អាច​ទុកចិត្ដ​បាន​​ 5G អាច​កាត់​បន្ថយ​ឱនភាព​សេវាកម្ម​ ១០ ដង​ល្អ​ប្រសើរ​ជាង​បណ្ដាញ 4G។

អាស្រ័យ​លើ​គុណសម្បត្ដិ​បច្ចេកវិទ្យា​ថ្មី​នេះ 5G អាច​ជួយ​ធ្វើ​ឲ្យ​ប្រសើរ​ឡើង​នូវ​ស្ថានភាព​រស់នៅ​ប្រចាំ​ថ្ងៃ​របស់​យើង​ជាមួយ​គុណ​ប្រយោជន៍​ដូច​ខាង​ក្រោម​៖

- ផ្ដល់​សេវាកម្ម​សុខុមាលភាព​កាន់​តែ​ពេញ​លេញ៖ ទទួល​ការ​ណែនាំ​ និង​ប្រឹក្សា​យោបល់​ពី​វេជ្ជបណ្ឌិត​​តាម​អនឡាញ​ តាម​ដាន​ស្ថានភាព​សុខភាព​តាម​រយៈ​​ឧបករណ៍​ពាក់​ជាប់​​ខ្លួន​លើ​អនឡាញ​ និង​​ការ​វះ​កាត់​ពី​ចម្ងាយ​។

- បង្កើន​សុវត្ថិភាព​ និង​កាត់​បន្ថយ​ការ​កក​ស្ទះ​ចរាចរណ៍​៖ គ្រប់​យាន​យន្ដ​ទាំង​អស់​អាច​ត​បណ្ដាញ​ទំនាក់​ទំនង​រវាង​គ្នា និង​គ្នា​ ព្រមទាំង​ភ្ជាប់​ជាមួយ​ប្រព័ន្ធ​គ្រប់​គ្រង​បណ្ដាញ​ដឹក​ជញ្ជូន​ ប្រើ​សេនស័រចលនា ដើម្បី​បញ្ចៀស​ឧប្បត្ដិហេតុ​ផ្សេង​ៗ ព្រមទាំង​ធ្វើ​បច្ចុប្បន្នភាព​ផែនទី​លើ​ដង​វិថីនានា​។

- បង្កើន​ការ​រស់​នៅ​ប្រកប​ដោយ​ភាព​ងាយ​ស្រួល​ និង​ស្ថេរភាព៖ ផ្ទះ​លោក​អ្នក​ រួមទាំងឧបករណ៍​បច្ចេកវិទ្យា​ខាងក្នុង​ទាំង​អស់ អាច​ត្រូវបាន​គ្រប់​គ្រង​ពី​ចម្ងាយ​ ងាយ​ក្នុង​ការ​បញ្ជា​ប្រព័ន្ធ​ពន្លឺ និង​សន្ដិសុខ​។

- ផ្ដល់​នូវ​បទពិសោធ​ន៍ការ​កម្សាន្ដ​កាន់តែ​អស្ចារ្យ​៖ ហ្គេម និង​កម្មវិធី​ទូរស័ព្ទ​នានា​នឹង​ផ្សារភ្ជាប់​ជាមួយ​បច្ចេកវិទ្យា AR និង VR។

បច្ចេកវិទ្យា 5G របស់មិត្តហ្វូន

តែមួយ​ខែ​ប៉ុណ្ណោះ ​ចាប់​ពី​មិត្ដហ្វូនទទួល​បាន​អាជ្ញាប័ណ្ណ​ 5G ប្រតិបត្ដិករ​ទូរស័ព្ទ​ធំ​បំផុត​នៅ​កម្ពុជា មិត្ដហ្វូន ដែល​គ្រប់​គ្រង​បណ្ដាញ​​​​​ទូរគមនាគមន៍​ធំជាង​គេ​ បាន​បញ្ចប់​កិច្ចការ​ទាំង​ស្រុង​ដើម្បី​ដាក់​ដំណើរ​ការបច្ចេកវិទ្យា 5G និង​រៀបចំ​បើក​សម្ពោធ​ជា​ផ្លូវ​ការ​ក្នុង​ឆ្នាំ​២០១៩​នេះ​។ វា​ជា​ដំហាន​ដំបូង​សម្រាប់​មិត្ដហ្វូនក្នុង​ការ​បង្កើត​ស្ដង់​ពិព័រណ៍​ 5G ជា​លើក​ដំបូង និង​តែ​មួយ​គត់​ក្នុង​រាជធានី​ភ្នំពេញ​។ ក្នុង​នាម​ជា​អ្នក​ផ្ដល់​បច្ចេកវិទ្យា​ព័ត៌មាន​ និង​ទំនាក់​ទំនង (ICT) ឈាន​មុខ​ មិត្ដហ្វូនទទួល​ខុស​ត្រូវ​ក្នុង​ការ​បង្កើត​​ហេដ្ឋារចនា​សម្ព័ន្ធ​ដ៏​ទូលំទំលាយ​សម្រាប់​ការកសាងសង្គម Digital នៅក្នុងប្រទេសកម្ពុជា។

វា​មិន​ត្រឹម​តែ​ជា​ក្រុមហ៊ុន​ទូរគមនាមគមន៍​ធម្មតា​មួយ​ប៉ុណ្ណោះ​ទេ ប៉ុន្ដែ​វាជា​ហេដ្ឋារចនាសម្ព័ន្ធ​​គ្រប់​គ្រង​បណ្ដាញកុំព្យូទ័រ​ពី​ចម្ងាយ​ អន្ដរទំនាក់​ទំនង​រវាង​ឧបករណ៍អ៊ីនធឺណិត​​ (IoT) ​និង​សេវាកម្ម​ឌីជីថល​ដទៃ​ទៀត​។ មិត្ដហ្វូនមាន​បំណង​ផ្ដល់​នូវ​តម្លៃ​ប្រើ​ប្រាស់​​សមរម្យ​ និង​សេវា​គ្រប​ដណ្ដប់​ទូទាំង​ប្រទេស​សម្រាប់​អតិថិជន​​ទាំងអស់​ក្នុង​ព្រះ​រាជាណាចក្រ​កម្ពុជា​ជាមួយ​មហិច្ឆតា​ជំរុញអភិវឌ្ឍកម្ពុជា​​ឲ្យ​​ស្ថិត​នៅ​កម្រិត​កំពូល​​ផ្នែក​​បច្ចេកវិទ្យា​ទូរគមនាគមន៍​ និង ICT ក្នុង​ពិភពលោក​។

ស្ដង់ពិពណ៌ 5G របស់​មិត្ដហ្វូននឹង​តាំង​បង្ហាញ​ចាប់​ពី​ថ្ងៃទី៥ ខែ​កញ្ញា សម្រាប់​ភ្ញៀវ​ទាំង​អស់​នៅ​មិត្តហ្វូន Showroom ការិយាល័យដែលស្ថិតនៅលើ​មហាវិថី​ម៉ៅសេទុង​ (២៤៥) រាជធានី​ភ្នំពេញ​។ សម្រាប់​ព័ត៌មាន​បន្ថែមសូមហៅមកកាន់ ១៧៧៧ ឬ​តាមដានទំព័រហ្វេសប៊ុករបស់មិត្ដហ្វូន​ www.fb.com/metfone.closer

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]