ភ្នំពេញ៖ ដូចដែលប្រិយមិត្តបានជ្រាបរួចមកហើយ ពីជីវិតស្នេហារបស់តារាចម្រៀងស្រី និងសម្ដែងប្រុស លោក ថមមី និង កញ្ញា សួស វីហ្សា ដែលតែងតែបង្ហាញភាពផ្អែមល្ហែមរបស់នៅលើបណ្ដាញសង្គមជាញឹកញាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ខណៈពេលដែលមង្គលការរបស់ខ្លួន កាន់តែកៀកជិតមកដល់នោះកញ្ញា សួស វីហ្សា និងអនាគតស្វាមីលោក ថមមី តែងតែកាន់ដែគ្នាទៅក្រៅប្រទេសជាញឹកញាប់ធ្វើឲ្យបណ្ដាអ្នកគាំទ្រមានការភ្ញាក់ផ្អើលខ្លាំងតែម្ដង។
ដោយលោក ថមមី និងកញ្ញា សួស វីហ្សា ចុះឡើងញឹកញាប់ខ្លាំងដូចជាផ្ទះខ្លួនឯងនោះ ធ្វើឲ្យទស្សនិកជនមិនតិចនោះទេ មានការឆ្ងល់ពីបញ្ហាមួយនេះ ថាជាលក្ខណៈដំណើរកម្សាន្តធម្មតាឬទៅថតPre-Weeding នោះទេ។
ជាក់ស្ដែង កាលពីយប់មិញនេះ លោក ថមមី ក៏បានបង្ហោះរូបភាពជាច្រើន នៅលើគណនីហ្វេសប៊ុកផ្លូវការរបស់ខ្លួន ជាមួយនឹងការចុះទៅមើល ដោយផ្ទាល់ ពីការសាងសង់ហាងមួយកន្លែងរបស់ពួកគេ ដែលនឹងបើកដំណើរការក្នុងពេលឆាប់ៗនេះ នេះបើតាមប្រភពជិតស្និទ្ធរបស់លោក ។
ជាមួយគ្នានេះផងដែរ ហាងខាងលើនេះកញ្ញា សួស វីហ្សា និងអនាគតស្វាមីលោក ថមមី មិនទាន់បានបញ្ជក់នៅឡើយទេថា ជាហាងលក់សម្លៀកបំពាក់ឬយ៉ាងណានោះទេ មានតែរង់ចាំមើលទាំងអស់គ្នាថាជាអ្វីឲ្យប្រាកដតែប៉ុណ្ណោះ៕
តោះដើម្បជ្រាបច្បាស់ ទស្សនារូបភាពទាំងអស់គ្នា៖